Անգամ եթե պայմանագիրը ստորագրենք, չենք կարող ասել, որ խաղաղությունը վերջնական հաստատված է․ Միրզոյան. ՏԵՍԱՆՅՈՒԹ

«Մենք դեռ ճանապարհի սկզբին եք, խաղաղությունը երկար գործընթաց է, այն խնամք է պահանջում։ Խաղաղությունը հոգատարություն է պահանջում։ Խաղաղությունը զգուշություն է պահանջում յուրաքանչյուր արտաբերվելիք բառի և շրջանառվող փաստաղթոի տեսանկյունից։ Ի վերջո, չժխտենք, երկու երկրների միջև արյան թշնամություն կա։

Խաղաղությունը երբեք էլ բարեկամ երկրների միջև չի հաստատվում, այլ այն ժողովուրդների միջև, որոնք միջև եղել է արյունահեղություն և հակամարտություն»,- այս մասին ԱԺ-Կառավարոսւթյան հարցուպատասխանի ժամանակ հայտարարեց ՀՀ ԱԳ նախարար Արարատ Միրզոյանը՝ պատասխանելով իշխանական պատգամավոր Մարիա Կարապետյանի հարցին, որը վերաբեում էր նախաստորագրված խաղաղության պայմանագրի վերաբերյալ ընդդիմության շահարկումներին։

Ըստ արտգործնախարարի՝ եթե նույնիսկ առաջիկայում ստորագրվի Խաղաղության պայմանագիրը, միևնույն է չենք կարող ասել, որ ամեն ինչ վերջացավ՝ խաղաղությունը ամբողջական հաստատված է։ Նրա խոսքով՝ այս պահին կողմերն իրար վրա չեն կրակում, էսկալացիայի ռիսկը մինիմալ է։ Միրզոյանը նաև նշեց, որ դեռ խնդիրներ մնում են, որոնցից մեկը գերիների վերադարձի հարցն է։

«Ցավոք, գերիների հարցով չունենք հարցի ամբողջական, վերջնական լուծում։ Թեև նախորդիվ ունեինք նույն ադրբեջանական կողմի հանրահռչակված պարտավորությունները բոլորին ազատ արձակելու վերաբերյալ։ Եթե երկու երկրներ խաղաղություն են հաստատում, երևի արժե առաջնային լուծել հումանիտար հարցերը, որովհետև դրանք զգույն են»,- ասաց արտաքին գերատեսոչության պատասխանատուն՝ պնդելով, որ գերիների ազատ արձակման հարցն իրենց առանահերթություններից է։

Մանրամասները՝ տեսանյութում։

Մանյա Պողոսյան