05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Ճանապարհաշինական ընկերությունը ապօրինի շահագործել է պատմամշակութային հուշարձանի տարածքում գտնվող ավազահանքը. պետությանը պատճառված վնասը վերականգնվել է
Հասարակություն
10.09.2025 | 16:39
Փաստական տվյալներ են ձեռք բերվել այն մասին, որ ճանապարհաշինական ընկերությունը 2025 թվականի օգոստոսի 11-13-ն ընկած ժամանակահատվածում, առանց համապատասխան թույլտվության, ապօրինի շահագործել է «Մխիթար Սպարապետ» պատմամշակութային հուշարձան հանդիսացող բլրում գտնվող ավազահանքը՝ արդյունահանելով շուրջ 5000 մ/խ ծավալով ավազակոպճային լեռնային զանգված:
«Քրեական վարույթի նախաքննության ընթացքում իրականացված վարութային և ապացուցողական գործողությունների արդյունքում վերականգնվել է պետությանը պատճառված 6 մլն ՀՀ դրամի վնասը»,- ասված է ՀՀ ՔԿ-ի տարածած հաղորդագրությունում։
ՔԿ-ից հայտնում են, որ քրեական վարույթի նախաքննությունը շարունակվում է:
