29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իրանը և ՄԱԳԱՏԷ-ն համաձայնագիր են ստորագրել
Քաղաքականություն
09.09.2025 | 22:41
Ատոմային էներգիայի միջազգային գործակալությունը (ՄԱԳԱՏԷ) և Իրանը համաձայնեցրել են ՄԱԳԱՏԷ-ի տեսչական գործունեության վերսկսման ռեժիմն Իսլամական Հանրապետության միջուկային օբյեկտների նկատմամբ: Այս մասին հայտարարել Է գործակալության գլխավոր տնօրեն Ռաֆայել Գրոսսին։
«Այսօր Կահիրեում մենք Իրանի արտգործնախարար [Աբբաս] Արաղչիի հետ համաձայնեցրել ենք Իրանում տեսչական գործունեության վերսկսման գործնական եղանակները։ Սա կարևոր քայլ է ճիշտ ուղղությամբ», – գրել է նա X-ում։
Հիշեցնենք, Իրանի նախագահ Մասուդ Փեզեշքիանը հուլիսի 2-ին հրամանագիր է ստորագրել ՄԱԳԱՏԷ-ի հետ համագործակցությունը կասեցնող օրենքի իրագործման մասին: Հրամանագրի հրապարակումից հետո գործակալության տեսուչներն արտաքսվել են երկրից։
Իրանի արտգործնախարար Աբբաս Արաղչին նշել էր, որ չնայած ՄԱԳԱՏԷ-ի հետ փոխգործակցությունը դադարեցնելու երկրի որոշմանը, համագործակցության ուղիները փակ չեն: Իրանում որպես համագործակցության վերականգնման պայման են նշել Իրանի միջուկային օբյեկտների և ատոմային գիտնականների անվտանգության ապահովումը: Փոխգործակցության դադարեցումը կապված է Իրանի քննադատության հետ ՄԱԳԱՏԷ-ի և Գրոսսիի հասցեին՝ Ֆորդոյում, Սպահանում և Նաթանզում միջուկային օբյեկտներին ԱՄՆ-ի ևԻսրայելի հարվածների ֆոնին անգործության համար:
