21.06.2026 | 15:30
Իրանական ԶԼՄ-ները պնդում են, որ Հորմուզի նեղուցը շարունակում է փակ մնալ
Թուրքիայի ոստիկանությունը Ստամբուլում արցունքաբեր գազ, ռետինե փամփուշտներ է կիրառել ընդդիմադիր ցուցարարների նկատմամբ․ ՏԵՍԱՆՅՈՒԹ
Քաղաքականություն
08.09.2025 | 21:14
Երեկվանից Թուրքիայի գլխավոր ընդդիմադիր Ժողովրդահանրապետական կուսակցության (CHP) Ստամբուլի նահանգային գրասենյակի դիմաց բողոքի ակցիա է․ կուսակցության անդամները բողոքում են ընտրված ղեկավարությանը պաշտոնանկ անելու և ժամանակավոր թիմ նշանակելու՝ դատարանի որոշման դեմ։ Ոստիկանությունը շրջապատել է շենքը և փակել գրասենյակ տանող ճանապարհները, ցուցարարներին ցրելու համար արցունքաբեր գազ համար։
Լարվածությունը պահպանվում է վաղ առավոտից, ցուցարարները փորձում են մտնել շենք, իսկ ոստիկանությունը պատասխանում է արցունքաբեր գազով, ջրցաններով և ռետինե փամփուշտներով։ Մի քանի մարդ ձերբակալվել է, ըստ որոշ տեղեկությունների՝ կան վիրավորներ։
Ստամբուլի նահանգապետարանը երեք օրով արգելել է հանրային ցույցերը վեց շրջաններում, այդ թվում՝ Սարըյերում, որտեղ գտնվում է CHP-ի նահանգային շտաբը։ Իշխանությունները երեկվանից սահմանափակել են հիմնական սոցիալական ցանցերի և հաղորդագրությունների հավելվածների, այդ թվում՝ WhatsApp-ի, YouTube-ի, X-ի, TikTok-ի և Telegram-ի հասանելիությունը։
Թուրքական աղբյուրները հայտնում են, որ Գյուրսել Թեքինը ժամանել է ոստիկանության պաշտպանության ներքո ու շենք է մտել ոստիկանության ուղեկցությամբ։ Ոստիկանությունը արցունքաբեր գազ է օգտագործել նահանգային շենքի ներսում սպասողներին ցրելու համար, ապա Թեքինին ներս է թողել։
Թարգմանությունը՝ Էմմա Չոբանյանի
