03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Ինձ թվում է` Հայաստանում 25 հազար հոգի է գիրք կարդում,դրա համար իրար այդքան հայհոյում են. Արմեն Մարտիրոսյան. ՏԵՍԱՆՅՈՒԹ
Հաղորդաշարեր
06.09.2025 | 19:00
«Եթե 12 տարի 1 տարվա կտրվածքով գիրքը միջինում վաճառվում էր 20 օրինակով, աօա այսօր` 250 օրինակով. այսինքն`12,5 անգամ աճ է գրանցվել մեր գրքի շուկայում, պարզապես մեր ընթերցողների քանակն է քիչ, ինձ թվում է` Հայաստանում 25 հազար հոգի է գիրք կարդում, դրա համար էլ մարդիկ իրար այդքան հայհոյում են, գռեհիկ պահվածք ունեն, նաև դա է պատճառը»,- Factor TV-ի հետ զրույցում նշում է «Անտարես» հրատարակչության տնօրեն Արմեն Մարտիրոսյանը`հավելելով, որ հարկավոր է իրականացնել պետական ծրագրեր, որպեսզի մարդիկ ավելի շատ կարդան:
Նա շեշտում է` Հայաստանում կա գրադարանների, իսկ որ ավելի կարևոր է`գրադարանավարների պակաս. «Եթե ամեն գործարար իր պապի գյուղում մի գրադարան կառուցի, այլ Հայաստան կունենանք»,- ասում է նա:
Արմեն Մարտիրոսյանն անդրադառնում է նաև ՀՀ վարչապետ Նիկոլ Փաշինյանի տիկին Աննա Հակոբյանի նախաձեռնած «Կրթվելը նորաձև է» նախաձեռնությանը` կարծիք հայտնելով, որ ցանկացած նախաձեռնություն, որը միտված է կրթվելուն, զարգանալուն, ինքը ողջունում է: Միևնույն ժամանակ մեր զրուցակիցը նկատում է. «Ես «Կրթվելը նորաձև է» շարժումը կանեի 2018-ին, լրիվ այլ արդյունք կգրանցվեր. ամեն ռեֆորմ իր ժամանակն ունի»:
Մանրամասները`տեսանյութում:
Աննա Բաբաջանյան
