07.09.2026 | 14:33
ՌԴ-ն ու Հյուսիսային Կորեան բացել են երկու երկրների միջև առաջին ավտոմոբիլային կամուրջը
Երևանի մնջախաղի պետական թատրոնը մրցանակի է արժանացել Շրի Լանկայում կայացած «Կոլոմբո» միջազգային փառատոնում
Մշակույթ
05.09.2025 | 18:32
Երևանի մնջախաղի պետական թատրոնը մասնակցել է Շրի Լանկայում անցկացվող «Կոլոմբո»
միջազգային թատերական փառատոնին։
ԿԳՄՍՆ-ի փոխանցմամբ՝ փառատոնի մրցութային ծրագրում ներկայացվել է Նաիրա Եդիգարյանի «Դեպի ներս» բեմադրությունը, որտեղ արվեստագետը հանդես է եկել միաժամանակ որպես ռեժիսոր և մենակատար։ Ժամանակակից մնջախաղի արվեստի արտահայտիչ լեզվով ստեղծված այս մոնոներկայացումն արժանացել է բարձր գնահատականի՝ որպես ինքնաբացահայտման, ներքին ճգնաժամերի հաղթահարման և ինքնության որոնման պատկերավորում։
Ներկայացումը մեծ արձագանք է ստացել թե՛ հանդիսատեսի, թե՛ ժյուրիի կողմից։ Երևանի մնջախաղի պետական թատրոնը ճանաչվել է «Լավագույն ռեժիսոր» անվանակարգի հաղթող, որը վկայում է բեմադրական աշխատանքի և դերասանական վարպետության բարձր մակարդակի մասին։
Փառատոնի շրջանակում Նաիրա Եդիգարյանը Շրի Լանկայի արվեստի կենտրոնում անցկացրել է նաև վարպետության դասեր։
Փառատոնի ավարտին Երևանի մնջախաղի պետական թատրոնը հրավեր է ստացել մասնակցելու Հնդկաստանում 2026 թվականին կայանալիք միջազգային թատերական փառատոնին:
