19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Մեծամորի համայնքապետ, նախկին ՀՀԿ-ական Վահրամ Խաչատրյանը` Արմավիրի մարզպետ
Քաղաքականություն
04.09.2025 | 00:05
Արմավիրի նախկին փոխմարզպետ, այժմ Մեծամորի համայնքապետի պաշտոնը զբաղեցնող Վահրամ Խաչատրյանը կնշանակվի Արմավիրի մարզպետ: Factor.am-ն այս մասին տեղեկացավ կառավարության նիստի օրակարգից:
Վահրամ Խաչատրյանը Մեծամորի համայնքապետի պաշտոնը զբաղեցնում է 2021 թվականից: Նա եղել է Հանրապետական կուսակցության անդամ և 2018-ի հեղափոխության օրերին է հայտարարել, որ դադարեցնում է անդամակցությունը:
Նշենք, որ Արմավիրի մարզպետի պաշտոնը զբաղեցնում էր ՔՊ-ական Արգիշտի Մեխակյանը, որը հուլիսի 15-ին նշանակվեց Վաղարշապատի ղեկավարի պաշտոնակատար:
Հիշեցնենք, որ Վաղարշապատ համայնքում նոյեմբերի 16-ին տեղի կունենան արտահերթ ընտրություններ, քանի որ Դիանա Գասպարյանը մայիսի 15-ին հայտարարեց իր հրաժարականի մասին: Վաղարշապատ և Խոյ համայնքները միավորվել են, և կան տեղեկություններ, որ Մեխակյանն առաջիկա ընտրություններին կառաջադրվի խոշորացված համայնքի ղեկավարի թեկնածու:
Նշենք, որ Մեխակյանը նաև Խոյի համայնքապետի պաշտոնն է զբաղեցրել և այս որոշումը, հավանաբար, պայմանավորված է նրանով, որ Մեխակյանն արդեն մեկ անգամ կարողացել է Խոյում ձայներ հավաքել և համայնքապետ ընտրվել:
Արփի Հակոբյան
