30.10.2026 | 13:42
Երկու մարզադաշտ, մեկ ընկերություն՝ առանց բաց մրցույթի․ ինչպես է Կառավարությունը կազմակերպել միլիոնավոր եվրոների գնումները
Բաքվի կողմից ՀՀ-ի հետ կապերի համար դատապարտված ադրբեջանցի ակտիվիստը հացադուլ է հայտարարել
Քաղաքականություն
03.09.2025 | 21:35
Բաքվի վերաքննիչ դատարանն այսօր քննել է Չեխիայի Կառլի համալսարանի դոկտորանտ, ադրբեջանցի երիտասարդ հետազոտող և ակտիվիստ Բահրուզ Սամեդովի կալանքի որոշման դեմ ներկայացված բողոքը, որը դատապարտվել էր 15 տարվա ազատազրկման՝ պետական դավաճանության մեղադրանքով, գրում են ադրբեջանական լրատվամիջոցները։
Դատավոր Էլմար Ռահիմովն անփոփոխ է թողել որոշումը։
Բահրուզ Սամեդովը հայտարարել է, որ վաղը հացադուլ է սկսելու՝ ի նշան բողոքի։
Սամեդովը հայտնի է Ադրբեջան-Հայաստան հակամարտության վերաբերյալ իր հետազոտություններով, ինչպես նաև Ադրբեջանի կառավարությանը քննադատող հոդվածներով։ Նա Ադրբեջանի Պետական անվտանգության ծառայության աշխատակիցների կողմից ձերբակալվել է 2024 թվականի օգոստոսի 21-ին։ Բահրուզ Սամեդովին մեղադրանք է առաջադրվել Քրեական օրենսգրքի 274-րդ հոդվածով (պետական դավաճանություն)։ Նա մեղադրվում է ՀՀ-ի հատուկ ծառայությունների հետ կապերի մեջ։ Սամեդովը հերքում է մեղադրանքները։
Հունիսի 23-ին նա դատապարտվել էր 15 տարվա ազատազրկման։
Հավելենք, որ ավելի վաղ Սամեդովը դիմել էր ՀՀ-ին՝ հաստատելու, որ ինքը կապ չունի Հայաստանի հետ։
Թարգմանությունը՝ Էմմա Չոբանյանի
