03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Ադրբեջանն ու Ուկրաինան պայմանավորվել են ամրապնդել ռազմավարական գործընկերությունը
Քաղաքականություն
03.09.2025 | 18:42
Ադրբեջանում Ուկրաինայի դեսպան Յուրի Գուսևը Բաքվի և Կիևի միջև երկկողմ համագործակցության հարցեր է քննարկել Ուկրաինայի փոխարտգործնախարար Սամիր Շարիֆովի հետ, գրում են ադրբեջանական լրատվամիջոցները։
«Արդյունավետ հանդիպում և քննարկում է անցկացվել Ադրբեջանի փոխարտգործնախարար Սամիր Շարիֆովի հետ։ Ես շնորհակալ եմ Ադրբեջանից մարդասիրական օգնության նոր խմբաքանակի համար։ Էներգետիկ սարքավորումներն արդեն իսկ մատակարարվել են Ուկրաինա։ Մենք պայմանավորվել ենք մեր ռազմավարական գործընկերությունը հետագա ամրապնդելու համատեղ քայլերի շուրջ»,- գրել է Գուսևը X-ի միկրոբլոգում։
Վերջերս Al Arabiya-ին տված հարցազրույցում Ադրբեջանի նախագահ Իլհամ Ալիևը հայտարարել էր, որ Բաքուն կշարունակի աջակցել Ուկրաինային։
«Ադրբեջանը, որպես իր տարածքային ամբողջականության խախտումից տուժած երկիր, աջակցում է բոլոր երկրների տարածքային ամբողջականությանը, և մեր դիրքորոշումն այս հարցում միանշանակ է։ Եվ կրկին, վերադառնալով ադրբեջանա-ռուսական հարաբերությունների վերաբերյալ քննարկվածին, Ռուսաստանի կողմից Ուկրաինա ներխուժման առաջին օրերից մենք աջակցել ենք Ուկրաինայի տարածքային ամբողջականությանը և շարունակում ենք աջակցել դրան»,- ասել էր Ադրբեջանի նախագահը։
Թարգմանությունը՝ Էմմա Չոբանյանի
