12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ղազախստանը Հայաստանի քաղաքացիների համար առանց վիզայի ռեժիմ է սահմանում երկարաժամկետ կեցության համար
Քաղաքականություն
03.09.2025 | 15:47
Հայաստանի քաղաքացիներին, Ղազախստանում 90 օրից ավելի մնալու դեպքում, այլևս վիզա պետք չի լինի, նրանք կկարողանան ստանալ ժամանակավոր բնակության թույլտվություն։ Այս մասին հաղորդում է NUR.KZ-ն՝ վկայակոչելով երկրի խորհրդդարանին՝ Մաժիլիսին։
Պատգամավորները քննարկել են Ղազախստանի և Հայաստանի միջև քաղաքացիների տեղաշարժի և մնալու վերաբերյալ համաձայնագրի վավերացման մասին օրինագիծը
Հաղորդվում է, որ Ղազախստանի և Հայաստանի քաղաքացիների՝ մյուս կողմի տարածքում գտնվելու ժամկետը մնում է անփոփոխ։ Այն պետական սահմանը հատելու օրվանից 90 օր է և չի կարող գերազանցել այս թիվը, ընդհանուր առմամբ, վեց ամսվա ընթացքում։
Միաժամանակ, սահմանված ժամկետի լրանալուց հետո, Հայաստանի քաղաքացիներին թույլատրվելու է մնալ Ղազախստանում՝ ստանալով ժամանակավոր բնակության թույլտվություն (աշխատանքի, ուսման, բիզնեսի, ընտանիքի վերամիավորման և այլնի համար): Ներկայում դրա համար անհրաժեշտ է վիզա:
Փաստաթուղթը ստորագրվել է Երևանում 2024 թվականի ապրիլի 15-ին։
Թարգմանությունը՝ Էմմա Չոբանյանի
