01.11.2024 | 23:19
Հրդեհ Գյումրու տներից մեկում
Գործարանը փակելուց առաջ մարդկանց սոցիալական խնդիրները պետք է լուծել. Կարինե Դանիելյանը՝ Ալավերդու գործարանի փակման մասին. ՏԵՍԱՆՅՈՒԹ
Հասարակություն
22.10.2018 | 15:26
Ալավերդու պղնձաձուլական գործարանը փակելուց առաջ մարդկանց սոցիալական խնդիրները պետք է լուծել, նրանց համար աշխատանքի հնարավորություն ստեղծել: Այս մասին այսօր՝ հոկտեմբերի 22-ին գործարանի գործարկումից բնապահպանական խնդիրների ու ռիսկերի, ինչպես նաև դրա գործունեության դադարեցումից սոցիալ-տնտեսական հետևանքների թեմայով քննարկման ժամանակ ասաց «Հանուն կայուն մարդկային զարգացման» ասոցիացիայի նախագահ, բնապահպան Կարինե Դանիելյանը:
«Երբ էկոլոգիական և սոցիալ-տնտեսական խնդիրները կոնֆլիկտի մեջ են մտնում, շատ վատ է բնակչության և երկրի համար: Իմ խորին համոզմամբ՝ փակելուց առաջ պետք է մարդկանց սոցիալական խնդիրները լուծել: Եթե փակումը հիմնարար է, ապա ակնհայտ է, որ զուգահեռ պետք է մարդկանց համար աշխատանքի հնարավորություն ստեղծել»,- հավելեց բնապահպանը:
Իսկ Լոռիում էկոլոգիական, հետևաբար՝ նաև առողջապահական խնդիրները շատ լուրջ են: Կարինե Դանիելյանը փորձագետների ուսումնասիրությունների տվյալներ վկայակոչեց. ծանր մետաղներով աղտոտվածության բարձր մակարդակ Ալավերդիում և շրջակայքում, տասնամյակի ընթացքում քաղցկեղի, արյան հիվանդությունների զգալի աճ. «Ակնհայտ է, որ Լոռին այլընտրանքային տնտեսական զարգացման կարիք ունի»:
«Էկոլուր տեղեկատվական» ՀԿ նախագահ Ինգա Զառաֆյանի խոսքով էլ՝ ակնհայտ է, որ խնդրին լուծում ոչ ոք չունի՝ ո՛չ ընկերությունը, ո՛չ կառավարությունը, ո՛չ էլ ՎՏԲ բանկը, որին պարտքի դիմաց հանձնվում է գործարանը:
Մանրամասները՝ տեսանյութում:
