31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
ԱՄՆ պետքարտուղարը հայտարարել է USAID-ի պաշտոնական փակման մասին
Քաղաքականություն
29.08.2025 | 20:42
Միացյալ Նահանգները պաշտոնապես փակում է Միջազգային զարգացման գործակալությունը (USAID)։ Այս մասին X-ում գրել է պետքարտուղար Մարկո Ռուբիոն՝ հաստատելով գործակալության ծրագրերի մի փոքր մասի փոխանցումը Պետքարտուղարությանը։
«Ես կատակեցի Դոնալդ Թրամփի հետ, որ չորս աշխատանք ունեմ։ Նա ասաց, որ դրանցից մեկը տամ իմ ընկեր Ռասել Վոութին։ Այդպես էլ արեցի։ Հունվարից ի վեր մենք խնայել ենք հարկատուների տասնյակ միլիարդավոր դոլարներ։ Եվ հիմնական ծրագրերի մի փոքր մասը Պետքարտուղարությանը հետո՝ USAID-ը պաշտոնապես փակվում է։ Ռասը (Ռասել Վոութ, Կառավարման և բյուջեի գրասենյակի տնօրեն) այժմ նախագահում է գործակալության փակման գործընթացը»,- գրել է Ռուբիոն։
USAID-ը ԱՄՆ կառավարության անկախ գործակալություն է, որը ստեղծվել է Կոնգրեսի կողմից 1961 թվականին, ունի մոտավորապես 10,000 աշխատակից ամբողջ աշխարհում։ Այն ԱՄՆ կառավարության միջազգային օգնություն տրամադրելու հիմնական կառույցն է։
Փետրվարի վերջին Դոնալդ Թրամփի վարչակազմը հայտարարեց, որ կկրճատի USAID-ի միջոցով տրամադրվող արտաքին օգնության ավելի քան 90%-ը։ ԱՄՆ իշխանությունները դադարեցրել են մոտավորապես 5800 դրամաշնորհ։
Դրանից հետո՝ մարտին, Մարկո Ռուբիոն հայտարարեց գործակալության ծրագրերի 83%-ի փակման մասին՝ նշելով, որ Պետքարտուղարությունը մտադիր է ավելի արդյունավետ կառավարել մնացած մոտավորապես 1000 ծրագրերը։
Թարգմանությունը՝ Էմմա Չոբանյանի
