16.07.2026 | 15:31
Կհստակեցվեն ուսուցիչներին լրավճարի տրամադրման մեխանիզմները
ԲԱՆԱՎԵՃ․ Թրամփը սպառնում է պատժամիջոցներով, Պուտինը հրաժարվում է հանդիպել Զելենսկուն․ կդադարի՞ պատերազմը
Քաղաքականություն
29.08.2025 | 21:00
ԱՄՆ նախագահ Դոնալդ Թրամփը խոստովանում է՝ ռուս-ուկրաինական պատերազմը դադարեցնելն ավելի դժվար գործ է, քան ինքն էր պատկերացնում։ Նա վերջերս Ալյասկայում ՌԴ նախագահ Վլադիմիր Պուտինին է հանդիպել, ապա Սպիտակ տանն ընդունել է Ուկրաինայի նախագահ Վլադիմիր Զելենսկիին և Եվրոպական առաջնորդներին։
Լավատեսությունը, սակայն, կարճ տևեց․ Պուտինը մերժեց հանդիպել Զելենսկիի հետ՝ չբացառելով ավելի ցածր մակարդակներում շփումը։ ՌԴ-ն պայման է դնում պատերազմի դադարեցման համար՝ իրեն հանձնել Ուկրաինայի ևս երկու շրջան՝ Խերսոնը և Զապորոժիեն, որոնք չի գրավել։ Միաժամանակ, ՌԴ-ն համաձայն չէ Ուկրաինային անվտանգության այնպիսի երաշխիքների տրամադրմանը, որը կնշանակի եվրոպական կամ ՆԱՏՕ-ի երկրների զորքերի մուտք այդ երկրի տարածք։
Զելենսկին արևմտյան երկրներից կոնկրետ երաշխիքներ է պահանջում՝ ո՞վ է Ուկրաինային օգնելու պաշտպանվել ցամաքում, օդում և ծովում, եթե Ռուսաստանը կրկին հարձակվի։ Թրամփը չի բացառել՝ Վաշինգտոնը կարող է նոր պատժամիջոցներ կիրառել Մոսկվայի դեմ, եթե առաջիկա երկու շաբաթներին ՌԴ-ն չդադարեցնի պատերազմն Ուկրաինայի դեմ։ ԱՄՆ նախագահը զգուշացնում է՝ եթե ՌԴ-ի և Ուկրաինայի առաջնորդները չհանդիպեն, դա կհանգեցնի ծանր հետևանքների։
Ի՞նչ կետում է գտնվում ռուս-ուկրաինական պատերազմի հարցով բանակցությունը, կհաջողվի՞ դադարեցնել պատերազմը։ Factor TV-ի տաղավարում հրավիրված քննարկմանը մասնակցում են Բորիս Նավասարդյանը՝ քաղաքական վերլուծաբան, Նինա Կարապետյանցը՝ ՆԺԱՐ սահմանադրական շարժման համահիմնադիր, Ռոբերտ Ղևոնդյանը՝ Անվտանգային քաղաքականության հետազոտական կենտրոնի փորձագետ, քաղաքագետ, Դավիթ Կարապետյանը՝ միջազգայնագետ, Սուրեն Սուրենյանցը՝ Դեմոկրատական այլընտրանք կուսակցության նախագահ։
Մանրամասները՝ տեսանյութում։
Ռոբերտ Անանյան
