29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
Գևորգ Պապոյանը Արմավիրի մարզում հետևել է լոլիկի մթերումների ընթացքին
27.08.2025 | 22:28
ՀՀ էկոնոմիկայի նախարար Գևորգ Պապոյանը օգոստոսի 27-ին այցելել է Արմավիրի մարզում գործող «ՄԱՊ» ՓԲԸ՝ հետևելու լոլիկի մթերումների ընթացքին։ Այցին մասնակցել է նաև նախարարի տեղակալ Արման Խոջոյանը։
Գերատեսչությունից տեղեկացնում են, որ ընկերության տնօրեն Մակար Պետրոսյանի ուղեկցությամբ նախարարը շրջել է արտադրական հատվածում, ծանոթացել լոլիկի մթերման, տոմատի մածուկի արտադրության, փաթեթավորման և պահեստավորման գործընթացներին։
«Տնօրենի խոսքով՝ մթերումը մեկնարկել է օգոստոսի 18-ից։ Օրական մթերվում է շուրջ 100 տոննա լոլիկ, և այս պահի դրությամբ արդեն մթերվել է մոտ 1000 տոննա։ Այս տարվա բերքը նախորդ տարվա համեմատ մոտ 30%-ով ավելի է»,- ասված է հաղորդագրությունում։
Շրջայցի ընթացքում Գևորգ Պապոյանը ներկայացրել է ՀՀ Կառավարության նոր նախաձեռնությունը․ 2025 թվականին լոլիկի մթերումներն առավել սահուն կազմակերպելու նպատակով տոմատի մածուկի արտադրությամբ զբաղվող տնտեսվարող սուբյեկտներին կտրամադրվի աջակցություն։ Ըստ ծրագրի՝ 2000 տոննան գերազանցող յուրաքանչյուր կիլոգրամ լոլիկի համար կտրամադրվի 10 ՀՀ դրամի չափով սուբսիդավորում։
