10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Երբ ձեզ ուղիղ բան եմ ասում, դուք թշնամանք եք ման գալիս. տրանսպորտի նախարարի պաշտոնակատարը՝ ակցիայի մասնակիցներին. ՏԵՍԱՆՅՈՒԹ
Տնտեսություն
22.10.2018 | 11:31
Երբ ձեզ ուղիղ բան եմ ասում, դուք թշնամություն եք ման գալիս: Օրենքը շրջանցելու հնարավորություն կառավարությունը չունի: Այս մասին այսօր ՀՀ Ազգային ժողովի մոտ բողոքի ակցիայի մասնակիցների հետ հանդիպմանն ասաց տրանսպորտի նախարարի պաշտոնակատար Հակոբ Արշակյանը:
Նշենք, որ ակցիայի մասնակիցներն «աջ ղեկով» ավտոմեքենաներ ներկրողներն էին, որոնք պահանջում են վերացնել «աջ ղեկով» մեքենաների ներմուծման արգելքը: Նախարարի պաշտոնակատարն առաջարկեց ամբողջական տեղեկությունը հավաքել ու նախարարություն գնալ՝ հանդիպման:
«Եկեք ամբողջական ինֆորմացիայով՝ քանի ընկերություն է, քանի մեքենա է, քննարկենք: Փոխնախարարին արդեն հանձնարարված է: Հարցը ճանապարհ փակելով, գալով-ճնշելով, ԱԺ մուտքը փակելով չի լուծվելու: Հարցադրումն էլ պետք է հստակ լինի. դուք ուզում եք լուծել այդ 130 մեքենայի՞ հարցը, 2.000 մեքենայի խնդիրը, թե՞ ընդհանրապես արգելքը հանելու խնդիրը»,- հավելեց Արշակյանը:
Պաշտոնյան հիշեցրեց, որ օրենքն ընդունելիս բոլոր ընթացակարգերը պահպանվել են: Ակցիայի մասնակիցներն էլ պնդեցին, թե իրենց հավաստիացրել են, որ արգելքը մինչև հոկտեմբերի 1-ն է: Տրանսպորտի նախարարի պաշտոնակատարն անուններ պահանջեց. «Անուններ ասեք: Անուն-ազգանունը վերցրեք, գնացեք դատարան, ասեք՝ մեզ մոլորության մեջ են դրել, և էդ մարդուն պատասխանատվության ենթարկեք»:
Մանրամասները՝ տեսանյութում
