23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Փաշինյանից ավելի բախումնաստեղծ ուժ դժվար է գտնել․ ո՞վ ասաց՝ միայն Նիկոլն է խաղաղություն ուզում, մենք չենք ուզում․ Նորայր Նորիկյան․ ՏԵՍԱՆՅՈՒԹ
Քաղաքականություն
26.08.2025 | 19:00
«Արդար Հայաստան» կուսակցության նախագահ Նորայր Նորիկյանը Factor TV-ի հետ զրույցում ասում է, որ ԱՄՆ-ի մուտքը տարածաշրջան տնտեսական նախագծերով պատերազմի վտանգն էականորեն կնվազեցնի, և կարևոր է ՀՀ-ի համար, որ համաձայնագիրն իրագործվի։ Նա պնդում է, որ օգոստոսի 8-ին տեղի ունեցածը Փաշինյանը ծառայեցնելու է իր քաղաքական նպատակներին։
«Փաշինյանը խաղաղության գաղափարը վաճառելու է ժողովրդին, որ եթե խաղաղություն եք ուզում, ինձ ընտրեք։ Նա կօգտագործի ԱՄՆ-ում օգոստոսի 8-ին նախաստորագրումը»,- ասաց Նորայր Նորիկյանը։
Ըստ նրա՝ միայն Փաշինյանը չէ, որ կողմնակից է խաղաղության հաստատման․ «Փաշինյանից ուժեղ բախումնաստեղծ ուժ դժվար է գտնել․ ո՞վ ասաց՝ միայն Նիկոլն է խաղաղություն ուզում, իսկ մենք չենք ուզում»։
Քաղաքական գործիչը նաև մեղադրում է նախկին նախագահներին՝ իրենց գոյությամբ Փաշինյանի կառավարումն ամրապնդելու մեջ։
«Հեռացե՛ք, ՀՀԿ-ն և ՀՅԴ-ն ո՞ւմ են պետք, որ իշխանության գան․ սպառել եք ձեզ, Փաշինյանին ուժեղացնում եք դուք։ Քոչարյա՛ն, Սարգսյա՛ն, հետ գաք, որ ի՞նչ անեք։ Ալիևին 20 տարի տվեցիք՝ ուժեղացավ, հաղթեց պատերազմում․ Արցախի՞ց եք խոսում։ Փաշինյանի պարտությունն է քաղաքական դաշտի հիվանդ լինելը։ Ընդդիմությունն էլ գոյություն չունի, ինքն էլ, լրջագույն ճգնաժամ է»,- նշեց նա։
Հարցազրույցն ամբողջությամբ՝ տեսանյութում։
Ռոբերտ Անանյան
