20.08.2026 | 19:14
Ձեր պաշտոնավարման ընթացքում ունեցել ենք դժվարին ժամանակներ, և ՀՀ-ն զգացել է Կանադայի աջակցությունը. նախագահը՝ դեսպանին
Տղայի գլուխը մեքենայի ապակու տակ թողած անձը հարցաքննվել և ազատ է արձակվել. որևէ կարգավիճակ չունի
Հասարակություն
26.08.2025 | 14:20
Երիտասարդի գլուխը ավտոմեքենայի դռան ապակու տակ թողած անձը հայտնաբերվել և հարցաքննվել է։ Factor.am-ի հարցմանն ի պատասխան՝ այս մասին հայտնել են Քննչական կոմիտեից։
Հիշեցնենք՝ շուրջ 10 օր առաջ համացանցում տարածվում էր տեսանյութ, որտեղ երիտասարդ տղայի գլուխը մեքենայի դռան ապակու տակ էր, նա խեղդվում էր և լացակումած խնդրում, որ իրեն ազատ արձակեն։ Դեպքը, ենթադրաբար, տեղի է ունեցել Գյումրիում, քանի որ խեղդվող տղան Գյումրիի բարբառով էր խոսում։ Ազատություն խնդրող երիտասարդը կատարողին դիմում էր Գևորգ անունով։
Դեպքի առնչությամբ նախաձեռնվել է քրեական վարույթ՝ Քրեական օրենսգրքի 196-րդ հոդվածի 1-ին մասով (ֆիզիկական ուժեղ ցավ կամ հոգեկան ուժեղ տառապանք պատճառելը): Նախաքննությունը շարունակվում է։
Ուշագրավ է, որ այս արտառոց դեպքից շուրջ 10 օր անց ենթադրյալ արարքը կատարող անձը որևէ կարգավիճակ չունի։ Նա միայն հարցաքննվել է և ազատ արձակվել։ Տուժողի կարգավիճակ ունի երիտասարդ տղան, որը ֆիզիկական և հոգեբանական բռնությունների է ենթարկվել։
Նարեկ Կիրակոսյան
