07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Սոբյանինը ներկայացրել է Մոսկվայում միգրանտների նկատմամբ վերահսկողության նոր միջոցները
Քաղաքականություն
26.08.2025 | 13:30
ՌԴ մայրաքաղաքը նոր միջոցներ է ձեռնարկում միգրանտների նկատմամբ վերահսկողության համար։ Մոսկվայի քաղաքապետ Սերգեյ Սոբյանինն ընդգծել է, որ խոսքը տեխնոլոգիական լուծումների մասին է, որոնք կօգնեն պահպանել կարգուկանոնը այդ ոլորտում։
«Բոլոր օդանավակայաններում՝ Շերեմետևո, Վնուկովո, Դոմոդեդովո, Ժուկովսկի, ներդրվել է միգրանտների կենսաչափական վերահսկողություն։ Սահմանը հատելուց առաջ միգրանտը ներկայացնում է կենսաչափական տվյալներ՝ լուսանկար և մատնահետքեր։ Այնուհետև միգրացիոն կենտրոնում մենք ստանում ենք նրա գենոմի տվյալները։ Այս կենսաչափական տվյալները հիմք են հանդիսանում ԱԴԾ-ի և ՆԳՆ-ի տվյալների բազայի համար՝ միգրանտների հետագա վերահսկողության համար»,- KP-ին տված հարցազրույցում նշել է Սոբյանինը։
Սեպտեմբերի 1-ից էլ կսկսի գործել համավարակի ժամանակ սոցիալական գրանցման նման մեկ այլ համակարգ։ Այժմ միգրանտները պետք է հաստատեն իրենց գտնվելու վայրը հատուկ հավելվածի միջոցով։
Բացի այդ, հավելյալ ներդրվում է QR կոդով էլեկտրոնային միգրանտի քարտ։ Ոստիկանությունը կկարողանա ստուգել այն օգտագործող անձի մասին բոլոր տվյալները՝ սկսած մնալու տևողությունից մինչև հնարավոր խախտումները։
«Խոսքը միլիոնավոր միգրանտների մասին է, որոնք գտնվում են Մոսկվայի մարզում, և վերահսկողության համար պահանջվում են լուրջ տեխնոլոգիական լուծումներ։ Այս ամենը անպայման կբարձրացնի կարգուկանոնն այս ոլորտում»,- եզրափակել է Սոբյանինը։
Թարգմանությունը՝ Էմմա Չոբանյանի
