31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
ՊՆ դիրքերից մեկում հնչած կրակոցի դեպքով քրեական վարույթ է նախաձեռնվել
Հասարակություն
26.08.2025 | 11:01
ՀՀ ՊՆ դիրքերից մեկում հնչած կրակոցի դեպքով քրեական վարույթ է նախաձեռնվել: Այս մասին Factor.am-ին հայտնեցին Քննչական կոմիտեից: Նշենք, որ կրակոցից զինծառայողի վիրավորվելու մասին հայտնել էր Shamshyan.com-ը:
«Դեպքի առթիվ նախաձեռնվել է քրեական վարույթ՝ Քրեական օրենսգրքի 527-րդ հոդվածի 1-ին մասով (առողջությանը վնաս պատճառելու (անդամախեղելու), հիվանդության սիմուլյացիայի կամ ապօրինի այլ եղանակով զինվորական ծառայությունից խուսափելը կամ դրա առանձին պարտականությունների կատարումը դադարեցնելը)»,- հայտնեցին իրավապահ կառույցից։ Կատարվում է նախաքննություն։ Պաշտպանության նախարարությունից էլ տեղեկացրել են, որ կրակոցի հետևանքով զինծառայող է վիրավորվել: Նա ենթարկվել է վիրահատական շտապ միջամտության և տեղափոխվել Կենտրոնական կլինակական զինվորական հոսպիտալ:
«Այժմ զինծառայողը հոսպիտալի բժիշկների ներքո է, նրա կյանքին վտանգ չի սպառնում»,- Factor.am-ին փոխանցեց ՊՆ մամուլի քարտուղար Արամ Թորոսյանը:
Պաշտպանական գերատեսչությունից միջադեպի վերաբերյալ այլ մանրամասներ չհայտնեցին:
Արփի Հակոբյան
