09.06.2026 | 16:03
Վենեսուելայի նախագահը հանդիպել է Էրդողանի հետ Թուրքիա կատարած անակնկալ այցի ժամանակ
Ովքեր են ՏԻՄ ընտրություններում հաղթած թեկնածուները. ԿԸՀ-ն ամփոփել է ընտրությունների արդյունքները
22.10.2018 | 10:12
Երեկ համայնքի ղեկավարի արտահերթ ընտրություններ էին ինը մարզի քառասունինը համայնքում։
Ըստ ԿԸՀ ներկայացրած նախնական տվյալների՝ Արմավիր քաղաքում ձայների ճնշող մեծամասնությամբ հաղթել է «Քաղաքացիական պայմանագիր» կուսակցության կողմից առաջադրված Դավիթ Խուդաթյանը:
ՔՊ-ական թեկնածուի օգտին քվեարկել է 6 693 արմավիրցի:
Էջմիածնում քաղաքապետ է ընտրվել «Քաղաքացիական պայմանագիր» կուսակցության կողմից առաջադրված Դիանա Գասպարյանը. նա ստացել է 8076 ձայն:
Կոտայքի մարզի Հրազդան քաղաքում քաղաքապետ է ընտրվել ինքնաառաջադրված թեկնածու Սևակ Միքայելյանը, որը Ազգային ժողովի «Ելք» խմբակցության պատգամավոր Սասուն Միքայելյանի որդին է: Նախնական տվյալներով՝ նա ստացել է 10 681 քվե:
Կապանում անկուսակցական Գևորգ Փարսյանը հաղթել է «Քաղաքացիական պայմանագիր» կուսակցության կողմից առաջադրված թեկնածու Նարեկ Բաբայանին:
Ըստ նախնական տվյալների՝ Գևորգ Փարսյանը ստացել է 10 507 ձայն, Նարեկ Բաբայանը՝ 8 499 ձայն:
