03.07.2026 | 11:20
Ուկրաինայի զինված ուժերը հրթիռային հարված են հասցրել Բելգորոդին. զոհ կա
Գլխավոր դատախազը ՀՀ-ում Ղազախստանի դեսպանի հետ քննարկել է երկուստեք հետաքրքրություն ներկայացնող հարցեր
Հասարակություն
22.08.2025 | 19:48
Գլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևի գլխավորած պատվիրակությանը։ Այդ մասին հայտնում են ՀՀ գլխավոր դատախազությունից՝ նշելով, որ կողմերն անդրադարձել են 2025 թվականի հոկտեմբերի 3-ին Երևանում կայանալիք՝ Կոռուպցիայի հակազդման միջպետական խորհրդի հերթական նիստի մանրամասներին։
«Աննա Վարդապետյանը ողջունել է դեսպանին Գլխավոր դատախազությունում և նշել, որ երկխոսությունը կառուցողական և կարևոր քայլ է մի շարք ուղղություններով փոխըմբռնման և համագործակցության ամրապնդման առումով:
Գլխավոր դատախազը բարձր է գնահատել դեսպան Իմանբաևի ներդրումը երկկողմ հարաբերությունների զարգացման գործում և ընդգծել, որ ՀՀ դատախազությունը բաց է ոլորտային հարցերի քննարկման համար։
Հանդիպման ընթացքում կողմերն անդրադարձել են փոխադարձ հետաքրքրություն ներկայացնող մի շարք հարցերի, այդ թվում՝ 2025 թվականի հոկտեմբերի 3-ին Երևանում կայանալիք՝ Կոռուպցիայի հակազդման միջպետական խորհրդի հերթական նիստի մանրամասներին»,- ասված է հաղորդագրությունում:
