29.04.2026 | 11:13
Ադրբեջանի փոխվարչապետ Շահին Մուստաֆաևը ժամանել է Երևան
«Գողություն հայկական ձևով»․ թողարկվել է «Կասկադ Փիքչերս» կինոստուդիայի ֆիլմի պաշտոնական թրեյլերը
Մշակույթ
22.08.2025 | 15:37
Լույս է տեսել «Կասկադ Փիքչերս» կինոստուդիայի «Գողություն հայկական ձևով» ֆիլմի պաշտոնական թրեյլերը։ Ֆիլմը հանդիսատեսին խոստանում է բացահայտել մեր հայրենիքը լրիվ նոր և անսպասելի տեսանկյունից։
Դեռևս երկար ժամանակ անհայտ է մնալու, թե որտեղից է ֆիլմարտադրողին հայտնի սովետական Երևանի գաղտնի ստորգետնյա թունելների մասին տեղեկությունը, և գուցե պատկան մարմիններին նույնիսկ հետաքրքրի, թե ինչպես է տեղի ունեցել տասնամյակներ ի վեր գաղտնի մնացած ինֆորմացիայի արտահոսքը։
Անհայտ է նաև, թե գերլարված և դրամատիկ սյուժեն դիտումից հետո դեռ որքան ժամանակ է մնալու հանդիսատեսի սրտերում։
Հենց այս հարցերին վաղաժամ պատասխան չտալու նպատակով էլ դեռևս չեն բացվում այն փակագծերը, որոնք թույլ կտան հանդիսատեսին տեսնել հայկական կինոարտադրության պատմության մեջ նախադեպը չունեցող, ավելի քան երկու տարի տևած սցենարային աշխատանքի պտուղները։
Ստեղծագործական խմբի խոսքով՝ ֆիլմը հավակնում է դառնալ հայկական կինոարտադրության պարծանքը և ձեռնոց է նետելու միջազգային ֆիլմարտադրողներին՝ ապացուցելով, որ հայ կինոն ունակ է մրցունակ լինել նաև միջազգային շուկայում։
Ֆիլմի արդեն իսկ հասանելի պաշտոնական թրեյլերը ոչ միայն ի ցույց է դնում սպասվելիք նորույթի բարձր որակը, այլև բազմապատկում է վերևում նշված հարցերի քանակը։
Իսկ այդ բոլոր հարցերի պատասխանը հանդիսատեսը կարող է ստանալ սեպտեմբերի 4-ից բոլոր կինոթատրոններում։
