05.11.2026 | 15:15
Չեմ պատրաստվում այդ իրավիճակի հետ համակերպվել. Փաշինյանը` բանակային մահերի մասին․ ՏԵՍԱՆՅՈՒԹ
Մենք ցանկացած պահի պետք է պատրաստ լինենք պատերազմի. Ալիև
21.08.2025 | 23:04
Մեր զինված ուժերն ամեն րոպե, ամեն օր կանգնած են մեր պետության շահերի և անվտանգության պաշտպանության դիրքերում։ Մենք դիտարկում ենք, տեսնում և տեսնելու ենք սպառնալիքների հնարավոր աղբյուրները։ Ադրբեջանական ԶԼՄ-ների փոխանցմամբ՝ այս մասին Ալիևն ասել է Քարվաճառ կատարած այցի ընթացքում տեղի բնակիչների հետ հանդիպման ժամանակ։
«Մենք մեծացնում ենք մեր ռազմական հզորությունը։ Ղարաբաղյան երկրորդ պատերազմից հետո, ինչպես Կասպից ծովում, այնպես էլ մյուս բոլոր զինված ուժերում մեր ուժերի զարգացման հետ կապված, մենք ավելացրել ենք մեր հատուկ նշանակության ուժերի թիվը հազարավոր մարտիկներով. չեմ ուզում հստակ թիվ նշել, բայց շատ ավելին, ստեղծվել են նոր Կոմանդոս ուժեր»,- ասել է Ալիևը։
Նա նշել է, որ Ադրբեջան են բերվել ամենաժամանակակից անօդաչու թռչող սարքերը, նոր հրետանային համակարգերը: Կնքվել են նոր մարտական ինքնաթիռներ ձեռք բերելու պայմանագրեր, իսկ եղածներն ամբողջությամբ արդիականացվել են։
«Մենք ցանկացած պահի պետք է պատրաստ լինենք պատերազմի, որովհետև աշխարհում գործընթացների ընթացքն այնպիսին է, որ հնարավոր չէ կանխատեսել, թե ինչ կլինի վաղը։ Մեր անվտանգության երաշխավորը մենք ենք, պետությունը, ժողովուրդը և մեր Զինված ուժերը»,- ընդգծել է նա:
2026 թվականի պետական բյուջեում պաշտպանական ծախսերի էական ավելացում, գուցե, չլինի։ Կառավարության նիստին հաջորդած ճեպազրույցի ժամանակ այսօր հայտարարել էր Նիկոլ Փաշինյանը։
