20.08.2026 | 21:39
Նիկոլ Փաշինյանին կշնորհվի Հեսսեյան խաղաղության մրցանակը
«Հարցազրույց տվեցի 168-ին, կոչ արեցի հեղաշրջման». հրապարակվեց Միքայել արքեպիսկոպոս Աջապահյանի օրագիրը․ ՏԵՍԱՆՅՈՒԹ
Հասարակություն
21.08.2025 | 15:19
Երևանի քրեական դատարանում շարունակվում է Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի գործով ապացույցների հետազոտումը: Հանրային մեղադրող Վահան Հարությունյանը հրապարակեց Աջապահյանի օրագրի բովանդակությունը:
Նշենք որ իրավապահները օրագիրը հայտնաբերել էին արքեպիսկոպոսի կեցավայրում իրականացված խուզարկությամբ նրա համակարգչում։
Օրագրում Աջապահյանը նշումներ է կատարել այն մասին, թե որ օրը որ լրատվամիջոցին է հարցազրույց տվել, դրանք որքան դիտում են ունեցել, արձանագրել, որ հարցազրույցներից մեկն, օրինակ, ունեցել է 60 հզ, մեկ այլ հարցազրույց՝ 100, մեկ ուրիշը՝ 120 հզ դիտում: 2024 թվականի փետրվարի 7-ին օրագրում առկա է հետևյալ գրառումը. «Այսօր հարցազրույց տվեցի 168-ին, որտեղ քննադատեցի իշխանությանը՝ կոչ անելով հեղաշրջման»:
Ըստ մեղադրանքի կողմի՝ Աջապահյանը ցանկացել էր, որ իր խոսքը լայն զանգվածներին հասանելի դառնալ. այս օրագրում հարցազրույցների դիտումների մասին հետաքրքրվածությունը ցույց է տալիս նրա դիտավորությունը: Պաշտպաններից Մարինե Ֆարմանյանը դիտարկեց, որ ցանկացած անձ, որը հարցազրույց է տալիս, հետաքրքրվում է թե որքան անձ է դիտել այն: Փաստաբան Երեմ Սարգսյանն էլ նշեց, որ առհասարակ իր պաշտպանյալի կեցավայրում իրականացված խուզարկությունն ու դրա արդյունքում ձեռք բերված ապացույցներն անթույլատրելի են:
Մանրամասները՝ տեսանյութում:
Արաքս Մամուլյան
