03.07.2026 | 09:08
ԱԱ-2026. Շվեյցարիան դուրս եկավ 1/8 եզրափակիչ. ՏԵՍԱՆՅՈՒԹ
«Եվրատեսիլ 2026»-ը կանցկացվի Վիեննայում
Մշակույթ
20.08.2025 | 16:03
«Եվրատեսիլ 2026» երգի միջազգային մրցույթը կանցկացվի Վիեննայում, հայտնել է ավստրիական ORF հեռարձակողը, որին վկայակոչում է DW-ի ռուսական ծառայությունը։
Հաղորդվում է, որ Ավստրիայի մայրաքաղաքը մրցույթը հյուրընկալելու պայքարում գերազանցել է Ինսբրուքին։
ORF-ի գործադիր տնօրեն Ռոլանդ Վայսմանը նշել է, որ և՛ Վիեննան, և՛ Ինսբրուքը ներկայացրել են միջոցառման համար համոզիչ գաղափարներ։
«Ուշադիր վերլուծությունից և ժյուրիի միաձայն գնահատականի հիման վրա ORF-ը եկել է այն եզրակացության, որ Վիեննայի առաջարկն ամենագրավիչն է ոչ միայն ենթակառուցվածքների և լոգիստիկայի առումով, այլև տնտեսական տեսանկյունից»,- ասել է նա։
«Եվրատեսիլ 2026»-ի կիսաեզրափակիչ փուլերը կանցկացվեն մայիսի 12-ին և 14-ին, եզրափակիչը՝ մայիսի 16-ին։
Վիեննայի քաղաքային իշխանություններն իրենց հերթին հայտարարել են, որ ֆինանսական առումով մրցույթը մատչելի կլինի բոլորի համար։
Ավստրիայի մայրաքաղաքը «Եվրատեսիլ» երգի միջազգային մրցույթը հյուրընկալում է արդեն երրորդ անգամ։
