23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Աֆղանստանում ավտոբուսի վթարի հետևանքով 71 մարդ է զոհվել, այդ թվում՝ շուրջ երկու տասնյակ երեխաներ
Քաղաքականություն
20.08.2025 | 13:33
Աֆղանստանի արևմուտքում գտնվող Հերաթ նահանգում ավտոբուսի, մոտոցիկլետի և բեռնատարի մասնակցությամբ վթարի հետևանքով զոհվել է առնվազն 71 մարդ, այդ թվում՝ 17 երեխա: Զոհերի մեծ մասն ավտոբուսի ուղևորներն են, գրում է DW-ի ռուսական ծառայությունը։
AFP-ի փոխանցմամբ՝ ավտոբուսն ուղևորվում էր Քաբուլ և տեղափոխում էր Իրանից արտաքսված աֆղան փախստականների:
Ոստիկանության տվյալներով՝ ավտոբուսը նախ բախվել է մոտոցիկլետի, ապա՝ վառելիք տեղափոխող բեռնատարի, որից հետո բռնկվել է: Վթարի պատճառը, նախնական ստեղեկություններով, ավտոբուսի վարորդի կողմից արագության գերազանցումն ու երթևեկության կանոնների խախտումն է:
ՄԱԿ-ի տվյալներով՝ միայն 2025 թվականի առաջին կեսին Իրանից և Պակիստանից վերադարձել կամ ստիպված է եղել հայրենիք վերադառնալ ավելի քան 1,2 միլիոն աֆղան, որոնք փախել են տասնամյակների պատերազմից և մարդասիրական ճգնաժամերից:
Մարտին Իրանի կառավարությունը երկրում օրինական կարգավիճակ չունեցող աֆղաններին մինչև հուլիսի 6-ը ժամանակ է տվել՝ կամավոր երկիրը լքելու համար:
