03.10.2026 | 22:08
Հայաստանի հավաքականը ժամանել է Պոդգորիցա
«Դրուժբա»-ով նավթի մատակարարումները Սլովակիա և Հունգարիա վերսկսվել են
Քաղաքականություն
20.08.2025 | 12:58
Սլովակիան կրկին նավթ է ստանում «Դրուժբա» խողովակաշարով՝ ուկրաինական բանակի կողմից հրետակոծության հետևանքով առաջացած պոմպային խնդիրներից հետո: Այս մասին հայտարարել է Սլովակիայի էկոնոմիկայի նախարարությունը, փոխանցում է DW-ի ռուսական ծառայությունը:
Գերատեսչությունն այլ մանրամասներ չի տրամադրել:
Հունգարիան նույնպես հայտարարել է «Դրուժբա»-ով նավթի մատակարարումների վերսկսման մասին: Երկրի արտաքին գործերի և արտաքին տնտեսական հարաբերությունների նախարար Պետեր Սիյարտոն հույս է հայտնել, որ Ուկրաինան կզերծ մնա խողովակաշարի վրա հետագա հարձակումներից:
«Սա մեր պատերազմը չէ»,- ընդգծել է Սիյարտոն:
«Դրուժբա»-ի գլխավոր խողովակաշարով նավթի մղումը, որը ռուսական հումք է մատակարարում Կենտրոնական Եվրոպայի մի շարք երկրների, դադարեցվել էր, երբ Ուկրաինայի զինված ուժերն օգոստոսի 18-ին հարվածել էին ՌԴ Տամբովի մարզի «Նիկոլսկոյե» նավթի պոմպակայանին:
«Դրուժբա»-ն Ռուսաստանից Եվրոպա արտահանման հիմնական խողովակաշարն է: Բելառուսի Մոզիր քաղաքում այն բաժանվում է երկու հատվածի: Հյուսիսայինը անցնում է Բելառուսի, Լատվիայի, Լիտվայի, Լեհաստանի և Գերմանիայի, հարավայինը՝ Ուկրաինայի, Հունգարիայի, Սլովակիայի և Չեխիայի տարածքով:
