14.05.2026 | 21:13
Էջմիածնում վիճաբանությունն ավարտվել է դանակահարությամբ, 15-ամյա տղան տեղափոխվել է հիվանդանոց. դեպքը բացահայտվել է
Դավիթ Ղազինյանը դատական նոր հայց է ներկայացրել ՀԷՑ-ի դեմ
Հասարակություն
19.08.2025 | 12:53
«Հայաստանի էլեկտրական ցանցեր» ՓԲԸ-ի նախկին տնօրեն Դավիթ Ղազինյանը երեկ՝ օգոստոսի 18-ին, դատական նոր հայց է ներկայացրել ՀԷՑ-ի դեմ։ Այս մասին տեղեկանցում ենք «Դատալեքս» դատական-տեղեկատվական համակարգից։
Ղազինյանն, ըստ համակարգում առկա տեղեկատվության՝ պահանջում է ՀԷՑ-ին պարտավորեցնել 2025 թվականի հուլիսի 14-ի ՀԷՑ կանոնադրության մեջ կատարված փոփոխությունները պետական գրանցման ներկայացնել, իրեն վերականգնել տնօրենի ժամանակավոր պաշտոնակատարի պաշտոնում ինչպես նաև ՀԷՑ գործադիր մարմնի ղեկավարի ժամանակավոր պաշտոնակատարի պարտականությունները կատարող անձի և ժամանակավոր կառավարչի միջև լիազորությունների սահմանները որոշել։
Հիշեցնենք, որ ավելի վաղ՝ հուլիսի 25-ին ներկայացված հայցադիմումով Ղազինյանը պահանջել է անվավեր ճանաչել Հայաստանի էլեկտրական ցանցեր փակ բաժնետիրական ընկերության 21.07.2025 թվականի թիվ Կ-550-Ա հրամանն ու իրեն նախկին աշխատանքում վերականգնել։
Արաքս Մամուլյան
