07.09.2026 | 22:10
Հայտնի է՝ ով կքննի Գարեգին Բ-ի գործը․ Վճռաբեկը հրապարակել է որոշումը. ՏԵՍԱՆՅՈՒԹ
ՀԱՄԱՍ-ը համաձայնել է հրադադարի և պատանդների ազատ արձակման նոր առաջարկին
Քաղաքականություն
19.08.2025 | 11:37
Պաղեստինյան ՀԱՄԱՍ շարժումը միջնորդներին տեղեկացրել է, որ ընդունում է հրադադարի և պատանդների ազատ արձակման վերաբերյալ նոր առաջարկը։ Ըստ աղբյուրների՝ այն ենթադրում է 60-օրյա դադար և ողջ մնացած 10 գերիների ազատ արձակում, հաղորդում է Times of Israel-ը։
«ՀԱՄԱՍ շարժումը և պաղեստինյան խմբավորումներն իրենց հավանությունն են հայտնել եգիպտացի և կատարցի միջնորդների կողմից երեկ ներկայացված առաջարկի վերաբերյալ»,- ասվում է խմբավորման հայտարարության մեջ։
Իսրայելցի պաշտոնյան The Times of Israel-ին հաստատել է, որ Իսրայելը ստացել է հրադադարի վերջին առաջարկը, մինչդեռ վարչապետ Բենիամին Նեթանյահուն, կարծես, մերժել է ՀԱՄԱՍ-ի պատասխանը և ազդարարել, որ Իսրայելն առաջ է շարժվում պաղեստինյան անկլավի ամենամեծ քաղաքը գրավելու և դրա բնակչությանը հարավային հատված տեղափոխելու ծրագրի հարցում։
«Իսրայելի դիրքորոշումը չի փոխվել՝ ինչպես բոլոր պատանդների ազատ արձակման, այնպես էլ պատերազմը դադարեցնելու համար սահմանված մյուս պայմանների կատարման վերաբերյալ»,- ասել է պարբերականի զրուցակիցը։
