05.10.2026 | 21:50
Ռուբիոն ու Բայրամովը հեռախոսազրույց են ունեցել
Ապօրինի արդյունահանում Բյուրակն գյուղում. ոստիկանության բացահայտումը
Հասարակություն
19.08.2025 | 11:11
Բյուրակն գյուղում ՍՊ մի ընկերություն իրեն հատկացված 2,5 հա տարածքից դուրս, առանց թույլտվության և պայմանագրի, արդյունահանում է իրականացրել նաև շուրջ 700 քառակուսի մետր գյուղատնտեսական նշանակության հողերում։
«Համայնքային ոստիկանության Ամասիայի բաժնի ծառայողները օպերատիվ տեղեկություն էին ստացել, որ սահմանափակ պատասխանատվությամբ մի ընկերություն Բյուրակն գյուղի վարչական տարածքում, բազալտի հանքի հատկացված սահմաններից դուրս, իրականացնում է ընդերքի ապօրինի արդյունահանում:
Օգոստոսի 11-ին համայնքային ոստիկանները ստուգեցին օպերատիվ տվյալը: Տեղում աշխատում էին թրթուրավոր էքսկավատորներ ու տարբեր հաստոցներ: Պարզվեց, որ հատկացված երկուսուկես հեկտար տարածքից դուրս սահմանափակ պատասխանատվությամբ ընկերությունը, առանց թույլտվության և պայմանագրի, արդյունահանում է ծավալել նաև շուրջ 700 քառակուսի մետր գյուղատնտեսական նշանակության հողերում՝ պետությանը պատճառելով վնաս, որի չափը պարզվում է:
Ընդերքի պահպանման կամ օգտագործման պահանջները խախտելու հատկանիշներով Շիրակի մարզային քննչական վարչությունում նախաձեռնվել է քրեական վարույթ:
Հանգամանքները նախաքննությամբ պարզվում են»,- ասված է ՆԳՆ-ի տարածած հաղորդագրությունում։
