09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գործարար Կարեն Գասպարյանի մահվան դեպքով վարույթ է նախաձեռնվել ինքնասպանության հասցնելու և զենքի ապօրինի շրջանառության հոդվածներով
Հասարակություն
19.08.2025 | 10:39
Գործարար Կարեն Գասպարյանի մահվան դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 1-ին մասով (ինքնասպանության հասցնելը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)։
Այս մասին Factor TV-ի հարցին ի պատասխան հայտնեցին Քննչական կոմիտեից։ Նախաձեռնված քրեական վարույթի շրջանակներում նշանակվել են դատաբժշկական, դատաձգաբանական փորձաքննություններ։
Հիշեցնենք, որ երեկ Երևանի Դեմիրճյան 1 հասցեի ավտոկայանատեղիում՝ մեքենայի մեջ, հայտնաբերվել է «Բրավոյի Կարեն» անունով հայտնի Կարեն Գասպարյանի դին՝ ձեռքին հրազեն։ Ըստ նախնական տեղեկությունների՝ Գասպարյանն ինքնասպան է եղել։
Դատելով այն հանգամանքից, որ վարույթ է նախաձեռնվել նաև զենքի ապօրինի շրջանառության համար, կարող ենք ենթադրել, որ Գասպարյանի ձեռքին եղած զենքը օրինական հիմքերով նրան չի պատկանել։
Արաքս Մամուլյան
