09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Զելենսկին Թրամփին է փոխանցել Ուկրաինայի առաջին տիկնոջ՝ Ելենա Զելենսկայայի նամակը
18.08.2025 | 22:24
Եթե Վաշինգտոնում բանակցությունները լավ ընթանան, կհետևի եռակողմ հանդիպում՝ Զելենսկու և Պուտինի մասնակցությամբ, հայտարարել է Դոնալդ Թրամփը:
ԱՄՆ նախագահն ասել է, որ հավատում է, որ Վլադիմիր Պուտինը ցանկանում է վերջ տալ պատերազմին: Վլադիմիր Զելենսկին շնորհակալություն է հայտնել Թրամփին «սպանությունները դադարեցնելու» փորձի համար և հայտարարել, որ պատրաստ է եռակողմ փոխգործակցության: Զելենսկին նաև շնորհակալություն է հայտնել Թրամփին այն բանի համար, որ Մելանյա Թրամփը նամակ է փոխանցել «ուկրաինացի երեխաների» մասին, և ինքը Թրամփին է փոխանցել Ուկրաինայի առաջին տիկնոջ՝ Ելենա Զելենսկայայի նամակը:
«Մենք լավ հնարավորություն ունենք (պատերազմն ավարտելու – խմբ.)»,- հայտարարել է Թրամփը և նշել, որ նույնիսկ վերջին շաբաթներին շատ մարդիկ են զոհվել:
ԱՄՆ նախագահը նաև ասել է, որ Պուտինի հետ իր հանդիպումը լավ էր, և որ արդյունք ստանալու հնարավորություն կա:
«Պատերազմը պետք է ավարտվի, դա ցանկանում են և՛ Պուտինը, և՛ Ուկրաինան, և՛ ամբողջ աշխարհը»,- ընդգծել է Թրամփը։
«Վեց ամսվա ընթացքում ես կանգնեցրել եմ վեց պատերազմ։ Ես կարծում էի, որ սա կլինի ամենահեշտը, բայց դա այդպես չէ»,- պնդել է Թրամփը։
