17.02.2026 | 14:10
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
ԱՄՆ-ում բացահայտել են Մելանյա Թրամփի` Պուտինին ուղղված նամակի բովանդակությունը. ինչ է խնդրել ԱՄՆ առաջին տիկինը
Քաղաքականություն
17.08.2025 | 11:59
ԱՄՆ առաջին տիկին Մելանյա Թրամփի՝ Վլադիմիր Պուտինին ուղղված նամակում չի հիշատակվում Ուկրաինան: Դոնալդ Թրամփի կնոջ նամակի տեքստը, որը ԱՄՆ նախագահը փոխանցել է Պուտինին Ալյասկայում, հրապարակել է ամերիկյան Fox News հեռուստաալիքը:
Ըստ տվյալների՝ ստանալով նամակը՝ ՌԴ նախագահն անմիջապես կարդացել է այն ամերիկյան և ռուսական պատվիրակությունների ներկայությամբ։
Նամակում ԱՄՆ առաջին տիկինը կոչ է անում պաշտպանել երեխաներին և ապագա սերունդներին ամբողջ աշխարհում:
«Այսօրվա աշխարհում որոշ երեխաներ ստիպված են իրենց մեջ կրել լուռ ծիծաղ, որը չի դիպչում շրջապատող խավարին, լուռ մարտահրավեր այն ուժերին, որոնք կարող են խլել նրանց ապագան: Պարոն Պուտին, հենց դուք կարող եք վերադարձնել նրանց մեղեդային ծիծաղը»,- գրել է Մելանյա Թրամփը։
Նրա խոսքով՝ Պուտինն ունակ է «գրչի մեկ հարվածով» պաշտպանել այդ երեխաների անմեղությունը. «Դուք ավելին կանեք, քան կծառայեք միայն Ռուսաստանին՝ կծառայեք ողջ մարդկությանը»:
Մինչ նամակի տեքստի հրապարակումը Reuters գործակալությունը հայտնել էր, որ խոսքը ուկրաինացի երեխաների տառապանքների մասին է։ Սակայն փաստաթղթի բնօրինակում ոչ Ուկրաինան, ոչ էլ Ռուսաստանի կողմից սանձազերծված պատերազմը ուղղակիորեն չեն հիշատակվում։
