06.12.2025 | 15:55
Հայ ֆուտբոլիստը նոր պայմանագիր է կնքել ԲԱՏԷ-ի հետ
Ոստիկանները 55-ամյա տղամարդու տանը հայտնաբերել են ալկոհոլային կեղծ խմիչքներ
Հասարակություն
16.08.2025 | 13:15
Քրեական ոստիկանության Շիրակի մարզային վարչության ծառայողները ստացել են օպերատիվ տեղեկություն, որ Գյումրիի Մյասնիկյան փողոցի բնակիչ 55-ամյա մի տղամարդ տանը և կից խորդանոցում շշալցնում և իրացնում է կեղծ օղիներ:
Ոստիկանությունից հայտնում են, որ տեղեկությունը ստուգվել է, հաստատվել, և քրեական ոստիկանները տղամարդուն հրավիրել են վարչություն:
Շիրակի մարզային քննչական վարչությունում նախաձեռնվել է քրեական վարույթ, որի շրջանակում կատարված զննությամբ տղամարդու տանը հայտնաբերվել է կեղծ օղու տարատեսակ 30 շիշ, ընդհանուր 30 լիտր սպիրտով և օղիով լցված երկու տարա, նույն պարունակությամբ մեկուկես լիտրանոց պլաստիկ 11 շիշ և կեղծ խմիչք պատրաստելու պարագաներ:
Հանգամանքները նախաքննությամբ պարզվում են:
