17.12.2025 | 14:23
ԱԺ-ն ընդունեց «Առողջության համընդհանուր ապահովագրության մասին» օրենքը
Թրամփն Ալյասկա է մեկնել՝ Պուտինի հետ հանդիպման
Քաղաքականություն
15.08.2025 | 16:50
ԱՄՆ նախագահ Դոնալդ Թրամփի ինքնաթիռը Վաշինգտոնի «Էնդրյուս» ավիաբազայից մեկնել է Ալյասկա։ Անքորիջում այսօր տեղի ժամանակով 11:00-ին (Մոսկվայի ժամանակով՝ 22:00-ին) նախանշված է նրա հանդիպումը ՌԴ նախագահ Վլադիմիր Պուտինի հետ։
Վաշինգտոնից Ալյասկա ուղևորությունը կտևի յոթ ժամ։ Ավելի վաղ հաղորդվել էր, որ Թրամփը մտադիր է անձամբ դիմավորել Պուտինին Անքորիջում։
BBC-ի ռուսական ծառայության հաղորդմամբ՝ Վաշինգտոնից մեկնելուց հետո մամուլի համար արված հայտարարությունում ԱՄՆ նախագահը հույս է հայտնել, որ Պուտինի հետ հանդիպումից «ինչ-որ բան դուրս կգա»։
«Կարծում եմ՝ նրանք փորձում են բանակցել»,- հավելել է նա։
Անդրադառնալով հանդիպման ֆոնին Ուկրաինայի վրա շարունակական հարձակումներին՝ Թրամփն ասել է․ «Պուտինը կարծում է՝ դա ամրապնդում է իր դիրքերը բանակցություններում, բայց կարծում եմ՝ դա վնասում է նրան»։
ԱՄՆ նախագահը, միաժամանակ, հայտարարել է, որ Ուկրաինան պետք է կողմնորոշվի տարածքների հարցում, նաև հավելել է, որ Կիևի համար անվտանգության երաշխիքներ հնարավոր են՝ Եվրոպայի հետ միասին։
