20.08.2026 | 14:44
Ուղերձ եմ տվել, որ չափազանցությունների գիրկն ընկնել պետք չէ. Փաշինյանը` Արեգնազ Մանուկյանի մասին. ՏԵՍԱՆՅՈՒԹ
Factor TV-ի անդրադարձից հետո զինծառայողը զորացրվել է
Հասարակություն
15.08.2025 | 15:44
Պարտադիր ժամկետային զինծառայողի ծնողներն ու փաստաբանը դիմել էին Մարդու իրավունքների պաշտպանին՝ մտահոգություն հայտնելով զինծառայողի առողջական խնդիրների վերաբերյալ։
«Բարձրացված հարցի կապակցությամբ ՄԻՊ աշխատակազմում անմիջապես սկսվել էր վարույթ և գրություն էր հասցեագրվել Պաշտպանության նախարարություն, որից հետո զինծառայողը տեղափոխվել էր զինվորական հոսպիտալ։ Այնուհետև, Պաշտպան Անահիտ Մանասյանի հանձնարարությամբ ՄԻՊ ներկայացուցիչներն արագ արձագանքման այց էին իրականացրել հոսպիտալ, տեսակցել զինծառայողին։ Բժշկական օգնության և սպասարկման ընթացքին հետևելու նպատակով պարբերաբար կապ է պահպանվել բուժհաստատության հետ»,- ասված է ՄԻՊ-ի տարածած հաղորդագրությունում։
ՄԻՊ-ից տեղեկացնում են նաև, որ օգոստոսի 14-ին զինծառայողը ներկայացվել է ռազմաբժշկական փորձաքննության, և առողջական վիճակով պայմանավորված ճանաչվել ոչ պիտանի զինվորական ծառայության համար։
Հիշեցնենք, որ Factor TV-ին ժամկետային զինծառայող Ա․Մ․-ի ընտանիքի անդամները պատմել էին զորակոչված տղայի հետ պատահածը՝ շարքում ուշագնաց է եղել։ Նրանք ահազանգել են Factor TV-ի խմբագրություն՝ պնդելով, որ բանակ զորակոչվելու հաջորդ օրն իսկ առողջական ծանր խնդիրների պատճառով չի կարողացել ինտեգրվել ծառայությանը։
Օրեր անց Factor TV-ն ևս մեկ անգամ լուսաբանել էր զինծառայողի առողջության հետ կապված խնդիրը։
