05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
«Շարքում կանգնած ուշաթափվել է, ընկել գետնին»․ բանակ մեկնած զինվորի հարազատներն ահազանգում են. ՏԵՍԱՆՅՈՒԹ
Հասարակություն
28.07.2025 | 20:00
Ժամկետային զինծառայող Ա․Մ․-ի ընտանիքի անդամները պատմում են զորակոչված տղայի հետ պատահածը՝ շարքում ուշագնաց է եղել։ Նրանք ահազանգել են Factor TV՝ պնդելով, որ բանակ զորակոչվելու հաջորդ օրն իսկ առողջական ծանր խնդիրների պատճառով չի կարողացել ինտեգրվել ծառայությանը։
Ա․Մ․-ն բանակ է զորակոչվել հունիսի 27-ին։ Ըստ ծնողների՝ հունիսի 28-ին առողջական վիճակը կտրուկ վատացել է։ Մայրն ու տատը պատմում են՝ զինվորը հունիսի 29-ին ուշագնաց է եղել, տեղափոխվել է զորամասի բուժկետ, այնուհետև հոսպիտալ, հետո կրկին բուժկետ։ Այստեղ վեց օր մնալուց հետո տեղափոխել են Սյունիքի մարզի զինվորական հոսպիտալ, որտեղ մնացել է յոթ օր և տեղափոխվել «Մուրացան» զինվորական հոսպիտալ։ Տղան այժմ Երևանի կայազորային հոսպիտալում է։ Ըստ տատի՝ թոռը միայն չորս անգամ ուշագնացել է եղել հուլիսի 24-ին։
Մայրը պնդում է, որ որդին ունի սրտի, տեսողության, արյան, շնչառության և նյարդային համակարգի հետ կապված խնդիրներ։ Զինվորի հարազատների համոզմամբ՝ տղային պատշաճ հետազոտության չեն ենթարկել մինչև բանակ զորակոչելու որոշում կայացնելը։
Տղայի պապը՝ Ռուբեն Բարսեղյանն էլ դժգհում է այժմ հոսպիտալում տրամադրվող բուժօգնությունից։
Ա․Մ․-ի հարազատները դիմել են վարչապետին և Մարդու իրավունքների պաշտպանին։ Փաշինյանի աշխատակազմից դիմումը վերահասցեագրել են Պաշտպանության նախարարություն։ Էլեկտրոնային հարցումների միասնական հարթակից տեղեկանում ենք, որ ՊՆ-ն հուլիսի 17-ին ստացած նամակին պատասխանելու է հուլիսի 31-ին։ Իսկ ահա ՄԻՊ-ը հանձնարարել է ընտանիքի դիմումով զբաղվել աշխատակազմի զինծառայողների և նրանց ընտանիքների իրավունքների պաշտպանության բաժնին։
Բաժնի պետ Անդրանիկ Եղոյանը Factor TV-ի հետ զրույցում ասաց, որ զինծառայողին զորամասի բուժկետից զինվորական հոսպիտալ են տեղափոխել ՄԻՊ աշխատակազմի առաջարկից հետո։
Անդրանիկ Եղոյանի փոխանցմամբ՝ մշտապես կապի մեջ են ոչ միայն ՊՆ պաշտոնյաների, այլ նաև զինծառայողի և նրա ընտանիքի անդամների հետ:
ՄԻՊ աշխատակազմի պաշտոնյան նշում է՝ միայն բժշկական հետազոտություններից ու փորձաքննությունների արդյունքերից հետո կարող են ասել՝ տվյալ քաղաքացու իրավունքերը խախտվե՞լ են, թե՞ ոչ։
Թեմայի շուրջ Factor TV-ն պարզաբանում էր խնդրել նաև Պաշտպանության նախարարությունից։ Գերատեսչությունից դեռևս չեն արձագանքել՝ արդյո՞ք տղային առողջական խնդիրներով են տարել բանակ։
Մանրամասները՝ տեսանյութում։
Նարեկ Կիրակոսյան
