24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
«Ջազ Պոետիկա +»․ յուրահատուկ զրույց երաժշտության, թատերարվեստի և գրականության միջև
Մշակույթ
15.08.2025 | 13:23
«Ջազ Պոետիկա +» խորագիրը կրող նախագիծը յուրահատուկ զրույց է երաժշտության, թատերարվեստի և գրականության միջև։ Թատրոնի դերասանները համագործակցում են ճանաչված երաժիշտների և խմբերի հետ։
ԿԳՄՍՆ-ի փոխանցմամբ՝ Գ․ Սունդուկյանի անվան ազգային ակադեմիական թատրոնի նոր հարթակում` Պաննո արվեստի տանը, տեղի է ունեցել Մայր թատրոնի և Էսսե երաժշտական հարթակի համատեղ նախագիծը` «Ջազ Պոետիկա +» խորագրով: Նախագծի շրջանակում ելույթ է ունեցել Վահագն Հայրապետյանի «ԿԱՏՈՒՆԵՐ» բենդը։
Միջոցառմանը ներկա է եղել նաև ՀՀ կրթության, գիտության, մշակույթի և սպորտի նախարար Ժաննա Անդրեասյանը:
Նախարար Ժաննա Անդրեասյանը թատրոնի տնօրեն Վարդան Մկրտչյանի ուղեկցությամբ շրջել է տարածքում, ծանոթացել նոր հարթակում իրականացվող նախագծերի մանրամասներին:
«Պաննո արվեստի տունը բացվել է 2024 թվականին: Այն նպատակ ունի մեկ հարկի ներքո համախմբել արվեստի տարբեր բնագավառների ստեղծագործողների՝ խթանելով երիտասարդ արվեստագետների աշխատանքները, ստեղծարար միտքն ու համագործակցությունը»,- ասված է հաղորդագրությունում։
