31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Հովիկ Աբրահամյանի գործով դատավոր Վահե Դոլմազյանն ինքնաբացարկ հայտնեց․ ՏԵՍԱՆՅՈՒԹ
Հասարակություն
14.08.2025 | 14:56
Նախկին վարչապետ Հովիկ Աբրահամյանն իրեն առաջադրված մեղադրանքը չի ընդունում։ Այս մասին դատական նիստից առաջ դատարանի բակում հայտարարեց նախկին պաշտոնյան։
«Մեղադրանքն իրականության հետ աղերս չունի։ 7 տարի առաջ սկսվել է այս մեղադրանքի առաջադրումը, և մինչև հիմա լուրջ քայլ չկա»,- ասաց նախկին վարչապետը։
Հովիկ Աբրահամյանը մեղադրվում է 470 մլն դրամի փողերի լվացման, պաշտոնեական լիազորությունները չարաշահելու և ձեռնարկատիրական գործունեությանն ապօրինի մասնակցության մեջ։
Նշենք, որ գործով անցնող համայնքապետերը, որոնք, ըստ գործի նյութերի, կատարել են նախկին վարչապետի հրահանգները, գործուն զղջալու և վաղեմության ժամկետն անցնելու հիմքով ազատվել են քրեական հետապնդումից։ Գործով միակ մեղադրյալը Հովիկ Աբրահամյանն է։ Նրան սպառնում է մինչև 12 տարի ազատազրկում։ Հավելենք նաև, որ Աբրահամայանի և նրա հետ փոխկապակցված անձանց գույքերի վրա արգելանք է դրվել:
Մանյա Պողոսյան
Մանրամասները՝ տեսանյութում։
