05.09.2026 | 19:33
Կաթողիկոսի ու 6 եպիսկոպոսների գործով դատախազ Խաչատուր Գալստյանն իր դիմումի համաձայն ազատվել է աշխատանքից
Հանրային լսումը Քարաբերդ համայնքի ղեկավարը կամայականորեն դադարեցրեց. Սաքունց․ ՏԵՍԱՆՅՈՒԹ
Հասարակություն
13.08.2025 | 13:56
«Հանրային լսումը համարում ենք չեղյալ, որովհետև հանրային լսումը համայնքի ղեկավարի կողմից կամայական դադարեցվեց»,- Քարաբերդում տեղի ունեցածից հետո հրավիրված ասուլիսում ասաց իրավապաշտպան, ՀՔԱՎ գրասենյակի ղեկավար Արթուր Սաքունցը։
Նրա խոսքով` այս լսումներից արձանագրություն չի կարող կազմվել, քանի որ հանրային լսում չի կայացել։
«Այն երկընտրանքը, որին ՀՀ քաղաքացիները առնչվում են, երբ մի կողմում հանքարդյունաշահագործում իրականացնող կազմակերպությունը գալիս է ու ասում` հնարավորություն տվեք հանքը շահագործելու, քանի որ դուք այլ աշխատանք չունեք, դրա հիմնական պատասխանատուն ՀՀ կառավարությունն է, որովհետև նման համայնքներում գյուղատնտեսության, տուրիզմի զարգացման ծրագրեր ու հնարավորություններ չի ներկայացնում»,- ընդգծում է իրավապաշտպանը։
Հիշեցնենք, որ «ԶՈՎ-ԳՈՒԺ» ՍՊԸ-ն և Փամբակ համայնքի ՏԻՄ-ը կազմակերպել էին «Քարաբերդի ոսկու հանքավայրի արևմտյան և արևելյան տեղամասերում, օգտակար հանածոյի արդյունահանման նպատակով երկրաբանական ուսումնասիրության նախատեսվող աշխատանքներ իրականացնելու» թեմայով լսումներ, որոնք անցան թեժ և լարված մթնոլորտում։
Քարաբերդի էկոլոգիական պաշտպանության նախաձեռնությունից հայտնում են, որ 2022 թվականին Քարաբերդում առկա ոսկու հանքավայրի մերձակա տարածքներում իրականացվել են օրգանական և բիոլոգիական նմուշառումների միջազգային փորձաքննություններ, որոնք բացահայտել են ռիսկային բարձր կոնցենտրացիաներ՝ հանքին մոտ հողերում և բնակիչների օրգանիզմում։
Մանրամասները` տեսանյութում։
