14.02.2026 | 10:26
Նիկոլ Փաշինյանը դասախոսելու է Լեհաստանում․ «Հայաստանը և նոր խաղաղության ճարտարապետությունը Հարավային Կովկասում»
Ալիևը ապրիլին մտադիր է եղել հարձակվել, ԱՄՆ-ն է կանխել․ ՀՀ-ի հետ հիմա կիրագործի իր ամենամեծ ծրագիրը Եվրասիայում. Ներսես Կոպալյան․ ՏԵՍԱՆՅՈՒԹ
Քաղաքականություն
12.08.2025 | 13:00
«Ամերիկյան հետախուզությունը ապրիլին Ադրբեջանի կողմից ծրագրած հարձակման մասին տեղեկություն է ունեցել, և Վաշինգտոնը այն կանխել է՝ բանակցելով կողմերի հետ և լուծումներ գտնելով ապաշրջափակման հարցով։ ԱՄՆ-ն գիտի՝ դա միջանցք չէ, ճանապարհ է, և հենց դա էլ օգտագործում է։ ԱՄՆ-ն մտածում է, որ ճանապարհի խնդիրը լուծելը ՀՀ-Ադրբեջան կարգավորման կբերի»,- Factor TV-ի հետ զրույցում ասում է ԱՄՆ Նևադայի համալսարանի քաղաքագիտության պրոֆեսոր Ներսես Կոպալյանը՝ խոսելով օգոստոսի 8-ին Վաշինգտոնի հանդիպման և ԱՄՆ-ի միջնորդած խաղաղության գործարքի մասին։ Քաղաքագետն ասում է, որ թեև Կրեմլին հավատարիմ ուժերը սաբոտաժ են անում ձեռք բերված համաձայնությունները, սակայն , ըստ նրա, գործընթացի գաղտնի պահվելու շնորհիվ ՌԴ-ն և Իրանը չներգրավվեցին և չխաթարեցին այն։ Ըստ Կոպալյանի՝ ԱՄՆ-ն ՀՀ-ում մեծ ներդրումներ է անելու, Հայաստանին իր կարևոր գործընկերն է համարում ռեգիոնում․
«ԱՄՆ-ն ստիպեց Ալիևին՝ կոմպրոմիսի գնալ, ասաց, որ Ալիևի սահմանած մաքսիմալիզմը կփլուզի ապաշրջափակումը, և Ալիևը ստիպված համաձայնվեց ամերիկյան ծրագրին, որով ապաշրջափակման պրոցեսում ՀՀ ինքնիշխանությունը կպահվի․ Ադրբեջանն այլևս պատերազմի սպառնալիքով չի կարող ճանապարհ պահանջել, ԱՄՆ-ն ստիպեց կոմպիոմիսի գնալ։ ԱՄՆ-ն զսպում է Ադրբեջանին, որն այլևս հիբրիդային հարձակումներ չի անի։ ԱՄՆ-ն այսպիսով ՀՀ-ի հետ կիրագործի իր ամենամեծ ծրագիրը Եվրասիայում։ ԱՄՆ-ն մտածում է՝ Ադրբեջանը ՀՀ-ից օկուպացված տարածքներից պիտի դուրս գա ապաշրջափակումից առաջ։ Թրամփի ստորագրությունը ճնշում է Ադրբեջանի վրա, և այն դե ֆակտո խաղաղություն է բերում»,- ասում է Ներսես Կոպալյանը։
Հարցազրույցն ամբողջությամբ՝ տեսանյութում։
Ռոբերտ Անանյան
