25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ՊԵԿ նախկին նախագահը երկու ամսով կալանավորվեց. պաշտպան․ ՏԵՍԱՆՅՈՒԹ
Հասարակություն
08.08.2025 | 17:19
Պետական եկամուտների կոմիտեի նախկին ղեկավար Վարդան Հարությունյանը երկու ամսով կալանավորվեց։ Դատական նիստից հետո լրագրողների հետ զրույցում այս մասին հայտնել է նրա փաստաբան Արմեն Անդրիկյանը։
Ավելի վաղ հայտնել էինք, որ Հարությունյանը ձերբակալվել է Հակակոռուպցիոն կոմիտեում քննվող քրեական վարույթի շրջանակում։ Նա մեղադրվում է ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման համար։
Փաստաբանի խոսքով` հարուցված քրեական գործը վերաբերում է «Նորֆոլկ» ընկերությանը։ Նրա խոսքով` նախաքննական մարմինը նշել է, որ Հարությունյանը կապ է ունեցել այս ընկերության հետ, մինչդեռ, ըստ պաշտպանի, իրականում 2018 թվականին այս ընկերության հետ կապված քննություն է իրականացվել, և այդ կապն ամբողջությամբ հերքվել է։ Փաստաբանական խումբը պատրաստվում է վերաքննիչ բողոք ներկայացնել և համապատասխան հայտարարությամբ հանդես գալ։
Նշենք, որ Վարդան Հարությունյանը 2014-2016 թվականներին եղել է «Գազպրոմ Արմենիա» ՓԲԸ վարչության նախագահ-գլխավոր տնօրենը, ընկերության տնօրենների խորհրդի անդամ, վարչության անդամ, 2016–2018-ին՝ ԿԱ պետական եկամուտների կոմիտեի նախագահ:
