21.02.2026 | 12:34
Գարունդ հայերեն է գալիս․ Մարագոսը Սահյանի բանաստեղծությամբ է շնորհավորել Մայրենի լեզվի միջազգային օրը
Ո՞վ է որոշում, որ Գազպրոմի շահութաբերությունը պետք է լինի 10, իսկ ՀԷՑ-ինը՝ 14 տոկոս․ Միքայել Մելքումյան․ ՏԵՍԱՆՅՈՒԹ
Տնտեսություն
19.10.2018 | 14:24
Ազգային ժողովում այսօր մեկնարկեց ՀՀ գազի և էլեկտրաէներգիայի մատակարարման և բախշման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը քննող քննիչ հանձնաժողովի առաջին նիստը։
Նիստը վարող «Ծառուկյան» խմբակցության պատգամավոր Միքայել Մելքումյանն ասաց, որ այժմ գազի և էլեկտրաէներգիայի սակագների վերանայման հարցը քննարկելու ճիշտ ժամանակն է, ուստի հանձնաժողովը նիստեր կգումարի շաբաթական մեկ կամ երկու անգամ։
«Չի կարելի 10-15 տարի ասել, որ գազի և էլեկտրաէներգիայի սակագների իջեցման մասին խոսելու ժամանակը չէ։ Կարծում եմ, որ հակառակը, այժմ ժամանակն է խոսելու գազի և էլեկտրաէներգիայի սակագների նվազեցման մասին, և առաջ անցնելով ասեմ, որ այո՛. կան հնարավորություններ, ու մենք սահմանից մինչև վերջնական սպառող հատ առ հատ անցնելու ենք՝ հասկանալու համար նաև կորուստների խնդիրը։ 16 տարի կորսուստների մակարդակը նույնն է մնացել, և հարց է առաջանում՝ այդքան տարի փաստորեն ներդրումներ չե՞ն արվել կորուստների չափը նվազեցնելու համար»,- ասաց հանձնաժողովի նախագահը։
Վերջինս նաև խոսեց կորուստների և շահութաբերության հարցի մասին․ «Ո՞վ է որոշում, որ Գազպրոմի շահութաբերությունը պետք է լինի 10, ՀԷՑ-ինը՝ 14 տոկոս, վերջին հաշվով դա Հանրային ծառայությունների հանձնաժողովն է հաստատում»։
Հանձնաժողովի նախագահը նաև նկատեց՝ կան շատ հարցեր, որոնք առնչվում են նախկինում գազի հանձնաժողովի հետ աշխատած Հանրային ծառայությունները կարգավորող հանձնաժողովի և Էներգետիկայի նախարարության հետ։
«Թեև նախկինում գործող գազի հանձնաժողովում աշխատած պաշտոնյաներին չենք կարող հրավիրել, սակայն ուսումնասիրելու ենք նաև նրանց գործունեությունը»,- ասաց Մելքումյանը։
Մանրամասները՝ տեսանյութում։
