Հասարակություն
06.08.2025 | 16:16
ՆԳՆ ոստիկանությունում այսօր ահազանգ է ստացվել, որ Բաբաջանյան և Աճառյան փողոցների խաչմերուկում մեքենա է այրվում։ Factor.am-ին այս մասին հայտնեց ՆԳՆ մամուլի քարտուղար Նարեկ Սարգսյանը։
«Դեպքի վայր է մեկնել փրկարար ծառայույան մեկ մարտական հաշվարկ, հրդեհը տեղի ուժերով մարվել է։ Ըստ նախնական տեղեկությունների՝ վեց անձ է հոսպիտալացվել»,- նշեց խոսնակը։
ՆԳՆ փրկարար ծառայությունից ավելի ուշ հայտնեցին՝ պարզվել է, որ «Kia» մակնիշի ավտոմեքենայի բեռնախցիկի հատվածում տեղի է ունեցել գազի արտահոսք՝ հրդեհի բռնկումով։
Այրվել է ավտոմեքենայի բեռնախցիկի հատվածը․ վարորդը և հինգ ուղևոր հոսպիտալացվել են բժշկական կենտրոն։
