12.09.2026 | 14:22
Զելենսկին պատրաստ է Պուտինի հետ հանդիպել G20-ի գագաթնաժողովում
«Ռիբոկ»-ը վերականգնել է պետությանը պատճառած 348 մլն դրամ վնասը
Հասարակություն
06.08.2025 | 09:52
«Ռիբոկը»-ը վերականգնել է պետությանը պատճառած 348 մլն դրամ վնասը։ Այս մասին հայտնում են Քննչական կոմիտեից։
«ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում սպորտային ակումբի կողմից առանձնապես խոշոր չափերով հարկեր չվճարելու նպատակով հարկման օբյեկտը թաքցնելու և այդ ընկերությունների հաշվարկ-հաշվետվություններում խեղաթյուրված տվյալներ մտցնելու դեպքի վերաբերյալ նախաձեռնված քրեական վարույթի նախաքննության ընթացքում վերականգնվել է պետությանը պատճառված վնասից 348 մլն 685 հզր 602 ՀՀ դրամը»,- ասված է հաղորդագրության մեջ։
Քրեական վարույթի նախաքննությունը շարունակվում է։
Հիշեցնենք, որ մեկ շաբաթ առաջ էլ «Գոլդս ջիմ» մարզասրահն էր վերականգնել պետությանը պատճառած 250 մլն դրամ վնասը։ Երկու սպորտային ակումբներում քննչական գործողություն էին իրականացվել, որոնց արդյունքում առգրավվել էին քրեական վարույթի համար նշանակություն ունեցող առարկաներ։ Ըստ կոմիտեի՝ ձերբակալվածներ և մեղադրյալներ չկան։
