30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Factor TV-ն աշխատանքի է հրավիրում օպերատորի
10.12.2025 | 11:48
Եթե սիրում եք հեռուստատեսությունը, եթե ունեք որակյալ տեսաբովանդակություն ստեղծելու ներուժ և սիրում եք աշխատել թիմում, ապա այս հայտարարությունը Ձեզ համար է։
Մենք փնտրում ենք տեսանկարահանման օպերատոր, որը՝
- կիրականացնի ուղիղ հեռարձակումներ իրադարձությունների վայրից,
- կկազմակերպի տաղավարային հարցազրույցների տեսանկարահանումը,
- կիրականացնի ռեպորտաժների, փաստաքննական ֆիլմերի և հեռուստալրագրության այլ ժանրերով նյութերի որակյալ նկարահանում,
- կդրսևորի նախաձեռնողականություն, խնդիրների լուծման պոզիտիվ մոտեցում՝ միաժամանակ լինելով թիմային խաղացող։
Պահանջվող հմտություններ․
- Պրոֆեսիոնալ տեսախցիկներով աշխատելու կարողություն,
- Կադրի կոմպոզիցիայի, լուսավորության և այլ տեխնիկական պարամետրերի իմացություն,
- Տեսամոնտաժի սկզբունքների իմացություն,
- Բարձրորակ տեսաբովանդակություն ստեղծելու կարողություն,
- Արագ կողմնորոշվելու, ժամանակի ճնշման տակ աշխատելու ունակություն, սթրեսակայունություն,
- Լրագրողի հետ համագործակցված գործելու կարողություն,
- Լրագրողական էթիկայի և մասնագիտական չափանիշների պահպանում։
Ի՞նչ ենք մենք առաջարկում․
- Գործընկերներին աջակցող և ստեղծագործ թիմ,
- Մասնագիտական աճի, կարողությունների զարգացման և նախաձեռնությունների իրագործման հնարավորություն,
- Մրցունակ վարձատրություն՝ փորձի և հմտությունների համադրությամբ:
Աշխատանքային փորձը պարտադիր է։
Եթե կարծում եք, որ համապատասխանում եք վերը նշված պահանջներին, խնդրում ենք ուղարկել Ձեր CV-ն [email protected], [email protected] էլ. հասցեներին՝ դրանում ներառելով Ձեր կողմից մինչ այս արված տեսանկարահանումների, ռեպորտաժների կամ այլ ժանրով տեսանյութերի հղումներ։ Բարձրագույն կրթությունը և տեսամոնտաժի իմացությունը կդիտարկվեն որպես առավելություն։
Նախնական ընտրությունն անցած թեկնածուների հետ կապ կհաստատենք՝ պայմանների հետագա քննարկման համար։
Միացե՛ք մեզ, եթե ցանկանում եք լինել մի միջավայրում, որտեղ արժևորվում են պրոֆեսիոնալիզմը, թիմային աշխատանքը և պատասխանատու լրագրությունը։
