06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Արգելված է իմ ելքը երկրից, իմ քաղաքական գործունեությունը խոչընդոտվում է. Աշոտյան․ ՏԵՍԱՆՅՈՒԹ
Քաղաքականություն
05.08.2025 | 13:51
«Ամենամեծ սահմանափակումը, որից դժգոհ եմ, այն է, որ փաստացի արգելված է իմ ելքը ՀՀ-ից, ինչը խոչընդոտում է իմ միջազգային գործունեությանը, այն նաև խոչընդոտում է մեր կուսակցության քաղաքական գործունեությունը»,- այս մասին հրավիրված մամուլի ասուլիսի ժամանակ ասաց ՀՀԿ փոխնախագահ Արմեն Աշոտյանը։
«Այդ սահմանափակումը դրվել է դեռևս 2022 թվականի նոյեմբերից։ Այս պահի դրությամբ այդ փակված սեկտը շարունակում է մնալ իմ քաղաքական գործունեության ամենամեծ խոչընդոտումը։ Սրա մասին նույնպես միջազգային գործընկերները հավուր պատշաճի տեղեկացված են»,- ասաց նա։
Նշենք, որ Արմեն Աշոտյանի խափանման միջոց տնային կալանքը փոխարինվել է վարչական հսկողությամբ։ Աշոտյանը և մյուսները մեղադրվում են «Երևանի Մխիթար Հերացու անվան պետական բժշկական համալսարան» հիմնադրամում կատարված կոռուպցիոն չարաշահումների, վստահված գույքի առանձնապես խոշոր չափերով հափշտակությունների և փողերի լվացման մեջ։ Սկզբում նրա նկատմամբ ընտրվել էր խափանման միջոց չհեռանալու արգելքը, սակայն ավելի ուշ Աշոտյանը ձերբակալվեց, ապա 2023 թվականի հունիսի 16-ին կալանավորվեց։ Ըստ վարույթն իրականացնող մարմնի՝ նա խախտել է խափանման միջոցի պայմանները:
Մանրամասները՝ տեսանյութում։
Մանյա Պողոսյան
