23.04.2026 | 17:51
ՌԴ-ն եվրոպական երկրներին մեղադրել է, իբր, «Կալինինգրադի գրավմանը նախապատրաստվելու մեջ»
Արմեն Աշոտյանը կշարունակի մնալ տնային կալանքի տակ
Հասարակություն
10.03.2025 | 20:01
ՀՀԿ փոխնախագահ Արմեն Աշոտյանի նկատմամբ ընտրված խափանման միջոց տնային կալանքը ևս 3 ամսով երկարացվեց։ Այս մասին այսօր տեղի ունեցած դատական նիստի ընթացքում որոշում կայացրեց Հակակոռուպցիոն դատարանի դատավոր Վահե Դոլմազյանը։
Միջնորդությունը ներկայացրեց մեղադրող դատախազը՝ դատարանից պահանջելով երկարաձգել խափանման միջոցը, այնինչ պաշտպանական կողմը շեշտեց՝ Աշոտյանի նկատմամբ կիրառված բոլոր խափանման միջոցները պետք է վերացվեն։ Կողմերին լսելուց հետո դատավոր Դոլմազյանը երկարացրեց տնային կալանքը։
Հիշեցնենք՝ Աշոտյանը և մյուսները մեղադրվում են «Երևանի Մխիթար Հերացու անվան պետական բժշկական համալսարան» հիմնադրամում կատարված կոռուպցիոն չարաշահումների, վստահված գույքի առանձնապես խոշոր չափերով հափշտակությունների և փողերի լվացման մեջ։ Սկզբում նրա նկատմամբ ընտրվել էր խափանման միջոց չհեռանալու արգելքը, սակայն ավելի ուշ Աշոտյանը ձերբակալվեց, ապա 2023 թվականի հունիսի 16-ին կալանավորվեց։ Ըստ վարույթն իրականացնող մարմնի՝ նա խախտել է խափանման միջոցի պայմանները:
Ռոզա Վարդանյան
