Մենք մարդուն հռչակել ենք բարձրագույն արժեք, բայց՝ միայն թղթի վրա. ապաքաղաքական զրույց Գարեգին Միսկարյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է «+374» քաղաքական ինքնորոշման ակումբի նախագահ Գարեգիկ Միսկարյանը: Հաշվի առնլով, որ հայկական խոսույթում «ինքնորոշում» բառն ամենահաճախ օգտագործվողներից է, հաղորդման հյուրը կարևորում է ոչ միայն միջազգայնորեն ընդունված «ազգային ինքնորոշումը», այլև անձնական, կրթական, քաղաքական, մշակութային, էթնիկ ինքնորոշումը, որոնց վերլուծության վրա կառուցված է իր հեղինակած  «Ինքնորոշման համապարփակ տեսությունը»: Այդ աշխատության մեջ հեղինակը ցույց է տալիս, որ ինքնորոշման նշանակությունը դեռևս չի բացահայտվել:

Առաջին տեղում, ըստ նրա, անձնական ինքնորոշումն է: Գարեգին Միսկարյանը հիշեցնում է, որ Հայաստանի Հանրապետությունը մարդուն հռչակել է բարձրագույն արժեք, սակայն 30-ից ավելի տարիների ընթացքում մենք ոչինչ չենք արել այդ թեզը կյանքի կոչելու համար:

«21-րդ դարի պետությունը պետք է մրցակցի ոչ թե տնտեսական կամ ռազմական հզորությամբ, այլ սուբյեկտ ստեղծելու և ազատություն արտադրելու կարողությամբ»,- գրում է նա համապարփակ ինքնորոշմանը նվիրված իր աշխատության մեջ:

Ի՞նչ պետք է ասել, երբ պետություններից մեկն ազատություն է արտադրում, իսկ մյուսն իր տանկերն է քշում «ազատություն արտադրողի» վրա: Հաղորդման հյուրի կարծիքով՝ եթե մի երկիր ավելի բարձր է մյուսից իր քաղաքացիների ազատության աստիճանով, ապա նրա վրա դժվար կլինի հարձակվել: Իսկ եթե նույնիսկ հարձակվում են, ապա ազատության արժեքն իմացող ազգը կարող է դիմակայել «տանկերին»:

Մանրամասները՝ տեսանյութում:

Արամ Աբրահամյան