25.06.2026 | 09:33
ՀՀ տարածքում ավտոճանապարհներն անցանելի են
Մեդվեդևն սպառնաց ատոմային զենքով․ իսկ եթե ԱՄՆ-ն կիրառի, ՌԴ-ից ոչինչ չի մնա․ Պուտինի ուզելով չէ միայն․ Արա Պապյան․ ՏԵՍԱՆՅՈՒԹ
Քաղաքականություն
31.07.2025 | 19:00
«Թրամփը խիստ պատժամիջոցներ կկիրառի ՌԴ-ի դեմ, ԱՄՆ-ն միջուկային պատերազմի սպառնալիքից չի վախենա։ Մեդվեդևն սպառնաց ատոմային զենքով, իսկ չե՞ն մտածում, որ եթե ԱՄՆ-ն կիրառի, ՌԴ-ից ոչինչ չի մնա․ Պուտինի ուզելով չէ միայն ՌԴ միջուկային մարտագլխիկների կիրառումը։ Իրականում, ՌԴ-ն կոչնչանա, եթե միջուկային զենք կիրառի Արևմուտքի դեմ․ Մոսկվայի վրա ռումբեր գցելը գիտե՞ն՝ ինչի կբերի»,- Factor TV-ի հետ զրույցում ասում է ԱԺԲ խորհրդի անդամ, դիվանագետ Արա Պապյանը՝ մեկնաբանելով ԱՄՆ նախագահ Թրամփի և ՌԴ նախկին նախագահ, Անվտանգության խորհրդի քարտուղարի տեղակալ Դմիտրի Մեդվեդևի հրապարակային բանավեճը։
ԱՄՆ նախագահը հայտարարել է․ «Ասեք Մեդվեդևին՝ ՌԴ-ի ձախողված նախկին նախագահին, ով իրեն դեռ նախագահ է համարում, որ զգույշ լինի իր խոսքերի հետ։ Նա մտնում է շատ վտանգավոր տարածք»։
Ըստ Թրամփի՝ եթե ՌԴ-ն առաջընթաց չցուցաբերի Ուկրաինայում պատերազմն ավարտելու ուղղությամբ, ԱՄՆ-ն 10 օր հետո սկսելու է ռուսաստանյան ապրանքների նկատմամբ նոր մաքսատուրքեր և այլ պատժամիջոցներ կիրառել: ՌԴ-ի նախկին նախագահ Մեդվեդևն էլ X-ում գրել էր, թե Թրամփը խաղում է «ուլտիմատումի խաղը», որը կարող է հանգեցնել ԱՄՆ-ի մասնակցությամբ պատերազմի։
Արա Պապյանը խոսել է նաև ռուս-ուկրաինական պատերազմի հավանական ընթացքի, Թրամփի վարչակազմի կողմից Ուկրաինային զինելու հնարավոր ազդեցության, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
